ബംഗളൂരു: ഓണ്‍ലൈന്‍ വ്യാപാരത്തില്‍ വ്യാപകമായ തട്ടിപ്പ് നടക്കുന്നുവെന്ന് സര്‍വേ. ഓണ്‍ലൈന്‍ ഇടപാടില്‍ മൂന്നിലൊന്ന് ഇടപാടുകാരും തട്ടിപ്പിന് ഇരയാകുന്നുണ്ടെന്നാണ് സര്‍വേ ചൂണ്ടിക്കാട്ടുന്നത്. 38 ശതമാനം പേര്‍ തട്ടിപ്പിന് ഇരയാകുന്നുണ്ടെന്നാണ് കണ്ടെത്തിയിട്ടുള്ളത്. പ്രധാന ഓണ്‍ലൈന്‍ വ്യാപാര സ്ഥാപനങ്ങളായ സ്‌നാപ്ഡീല്‍ വഴിയുള്ള വ്യാപാരത്തില്‍ 12 ശതമാനവും ആമസോണ്‍ വഴിയുള്ള 11 ശതമാനവും ഫ്‌ളിപ്കാര്‍ട്ട് വഴി ആറ് ശതമാനവും വ്യാപാര തട്ടിപ്പ് നടക്കുന്നുണ്ടെന്നാണ് സര്‍വേ പറയുന്നത്.