കല്‍പ്പറ്റ: 29-ാത് ദേശീയ റോഡ് സുരക്ഷാ വാരാചരണത്തിന്റെ ഭാഗമായി മോട്ടോര്‍ വാഹന വകപ്പ് കല്‍പ്പറ്റയില്‍ ബുള്ളറ്റ് റാലി സംഘടിപ്പിച്ചു. സുല്‍ത്താന്‍ ബത്തേരി ഹാര്‍ഡി സാഡില്‍സ് ബുള്ളറ്റ് ക്ലബ്ബാണ് റാലിയില്‍ പങ്കെടുത്തത്.
നിരവധി കാരുണ്യ പ്രവര്‍ത്തനങ്ങള്‍ക്ക് വേണ്ടി കഴിഞ്ഞ എട്ട് വര്‍ഷമായി ഇവര്‍ റാലി നടത്തുന്നു. കലക്ടറേറ്റില്‍ നിന്ന് ആരംഭിച്ച റാലി ആര്‍.ടി.ഒ വി സജിത്ത് ഫ്‌ളാഗ് ഓഫ് ചെയ്തു. ജോ.ആര്‍.ടി.ഒ സി.വി.എം ഷെരീഫ് അധ്യക്ഷനായി. എം.വി.ഐ.എസ്.പി ബിജുമോന്‍ യാത്ര എങ്ങിനെ എന്ന് വിശദീകരിച്ചു. എം.വി.ഐമാരായ ടി.പി യൂസഫ്, എം മനു, എസ്.ഐ.പി സുദനന്‍, എ.എം.വിഐമാരായ എസ്.പി അനൂപ്, എസ് മുരുകേഷ് എന്നിവര്‍ റാലിയെ നിയന്ത്രിച്ചു. എല്ലാ ബുള്ളറ്റുകളിലും റോഡ് സുരക്ഷാ സന്ദേശ ബോര്‍ഡുകളും പ്രദര്‍ശിപ്പിച്ചിരുന്നു. സുല്‍ത്താന്‍ ബത്തേരി ഹാര്‍ഡി സാഡില്‍സ് ബുള്ളറ്റ് ക്ലബ് ഭാരവാഹികളായ പി ഷമീര്‍, കെ സന്ധ്യ, എം മനാഫ്, കെ ഫൈസല്‍ എന്നിവരും റാലിയില്‍ പങ്കെടുത്തു. റാലി ലക്കിടിയില്‍ സമാപിച്ചു.