കൊട്ടിയം: സ്‌കൂള്‍ കെട്ടിടത്തിലെ തൂണ്‍ ഇടിഞ്ഞു വീണ് വിദ്യാര്‍ഥി മരിച്ച മുഖത്തല സ്‌കൂളില്‍ അധ്യയനം തുടങ്ങി. സ്‌കൂള്‍ കോമ്പൗണ്ടിലെ അപകടം നടന്ന ബ്ലോക്കിലെ കെട്ടിടങ്ങള്‍ ഒഴിവാക്കി ബാക്കിയുള്ള ക്ലാസ് റൂമുകളില്‍ ക്ലാസ് തുടരാമെന്ന് വിദ്യാഭ്യാസവകുപ്പ് അറിയിച്ചതായി സ്‌കൂള്‍ ട്രസ്റ്റ് അധികൃതര്‍ അറിയിച്ചു. ചാത്തന്നൂര്‍ എ.ഇ ഒ നിര്‍ദ്ദേശപ്രകാരമാണ് സ്‌കൂള്‍ ഇന്നലെ തുറന്നതെന്നും അവര്‍ വിശദീകരിച്ചു. രാവിലെ സ്‌കൂള്‍ തുറക്കുന്നതിനെതിരേ എസ്.എഫ്.ഐ പ്രവര്‍ത്തകര്‍ പ്രതിഷേധവുമായെത്തിയെങ്കിലും വിദ്യാഭ്യാസ വകുപ്പിന്റെ നിര്‍ദേശം അറിയിച്ചതിനെ തുടര്‍ന്ന് പിരിഞ്ഞുപോയി.