ഒറ്റപ്പാലം: ഒറ്റപ്പാലത്ത് കോണ്‍ഗ്രസ് നേതാവിന് വെട്ടേറ്റു. ഒറ്റപ്പാലം ബ്ലോക്ക് മുന്‍ വൈസ് പ്രസിഡന്റ് നെല്ലുള്ളിയില്‍ കൃഷ്ണന്‍കുട്ടി(38)ക്കാണ് വെട്ടേറ്റത്. ഒറ്റപ്പാലം നഗരത്തില്‍ നടന്ന ഡി.വൈ.എഫ്.ഐ പ്രതിഷേധ പ്രകടനം അവസാനിച്ച് പ്രകടനം കഴിഞ്ഞു മടങ്ങുന്നതിനിടെയാണ് ടി.ബി റോഡ് ജങ്ഷനില്‍ കോണ്‍ഗ്രസ് ഓഫിസിനുസമീപം വച്ച് കൃഷ്ണന്‍കുട്ടിക്ക് വെട്ടേറ്റത്. അക്രമത്തിനുപിന്നില്‍ ഡി.വൈ.എഫ്.ഐ ആണെന്ന് കോണ്‍ഗ്രസ് ആരോപിച്ചു. ഗുരുതരമായി പരുക്കേറ്റ കൃഷ്ണന്‍കുട്ടി കണ്ണിയംപുറം സ്വകാര്യ ആശുപത്രിയില്‍ ചികിത്സയിലാണ്. കോണ്‍ഗ്രസ് നേതാവിന് വെട്ടേറ്റതില്‍ പ്രതിഷേധിച്ച് ഒറ്റപ്പാലം ടൗണില്‍ പാലക്കാട് കുളപ്പുള്ളി സംസ്ഥാനപാത ഉപരോധിച്ചു