കോട്ടയം: പ്രമുഖ ജുവലറി ഗ്രൂപ്പായ ജോയ് ആലൂക്കാസിന്റെ മാള്‍ ഓഫ് ജോയിയുടെ രണ്ടാമത്തെ മാള്‍ കോട്ടയത്ത് ഇന്ന് ഉദ്ഘാടനം ചെയ്യും. അഞ്ച് നിലകളിലായി രണ്ട് ലക്ഷം ചതുരശ്ര അടിയിലാണു ഷോപ്പിങ് മാള്‍.
മാളില്‍ ജോയ് ആലൂക്കാസ് ജ്വല്ലറിക്കും ജോളി സില്‍ക്കിനും പുറമെ നിരവധി ഇന്ത്യന്‍ വിദേശ ബ്രാന്‍ഡുകളുടെ ഷോറൂമുകളും ഉണ്ടാകും. ഇന്ത്യയിലെ പ്രമുഖ റസ്‌റ്റോറന്റ് ശൃംഖലയായ മഹാബെല്ലിയുടെ ഷോറൂം ഇവിടെയുണ്ട്. ബേക്കറി ജങ്ഷനിലുള്ള മാള്‍ ഓഫ് ജോയില്‍ ഷോപ്പിങ് കൂടുതല്‍ സൗകര്യപ്രദമാക്കുന്നതിന് മൂന്ന് നിലകളിലായി കാര്‍ പാര്‍ക്കിങ് സൗകര്യവും ഒരുക്കിയിട്ടുണ്ട്. കോട്ടയം നിവാസികളുടെ ജീവിത നിലവാരവും ഷോപ്പിങ് ശീലവും ഉയര്‍ത്തുക എന്നതാണ് മാള്‍ ഓഫ് ജോയിയുടെ ലക്ഷ്യമെന്ന് ജോയ് ആലൂക്കാസ് പറഞ്ഞു.
ഭാവിയില്‍ തിരുവനന്തപുരത്തും കൊച്ചിയിലും കോഴിക്കോടും പുതിയ മാളുകള്‍ ആരംഭിക്കുമെന്നും അദ്ദേഹം കൂട്ടിച്ചേര്‍ത്തു.