തിരുവനന്തപുരം: വിജിലന്‍സ് മുന്‍ ഡയരക്ടറും ഡി.ജി.പിയുമായ ജേക്കബ് തോമസിനെ എ.ഡി.ജി.പിയായി തരംതാഴ്ത്തും. നിരന്തരം സര്‍വീസ് ചട്ടലംഘനം നടത്തിയെന്നാരോപിച്ചാണ് നടപടിക്കൊരുങ്ങുന്നത്. ഇതു സംബന്ധിച്ച ശുപാര്‍ശ സംസ്ഥാന സര്‍ക്കാര്‍ കേന്ദ്രത്തിന് കൈമാറി. ജേക്കബ് തോമസിനോട് ഇനി വിശദീകരണം തേടുകയെന്ന കടമ്പ മാത്രമാണ് മുന്‍പിലുള്ളത്.

വരുന്ന മേയ് 31ന് വിരമിക്കാനിരിക്കെയാണ് ജേക്കബ് തോമസിനെതിരെ നടപടി വരുന്നത്. ഇതാദ്യമായാണ് സംസ്ഥാനത്തെ ഒരു ഉന്നത ഉദ്യോഗസ്ഥനെ തരംതാഴ്ത്താനൊരുങ്ങുന്നത്.

'സ്രാവുകള്‍ക്കൊപ്പം നീന്തുമ്പോള്‍' എന്ന പുസ്തകം എഴുതിയത് സര്‍വീസ് ചട്ടം ലംഘിച്ചാണെന്ന് നേരത്തെ അന്വേഷണ സമിതി കണ്ടെത്തിയിരുന്നു.