ഫറോക്ക്: ഇ. അഹമ്മദ് പൊയ്മുഖമില്ലാത്ത മികച്ച പാര്‍ലമെന്റേറിയന്‍ ആയിരുന്നെന്നും സാധാരണക്കാരോടുള്ള അദ്ദേഹത്തിന്റെ ഇടപഴകലും അടുപ്പവും അസൂയാവഹമായിരുന്നെന്നും എം.ഐ ഷാനവാസ് എം.പി. ചെറുവണ്ണൂര്‍ - നല്ലളം മേഖലാ മുസ്‌ലിം ലീഗ് കമ്മിറ്റി നടത്തിയ ഇ. അഹമ്മദ് അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ലീഗ് സംസ്ഥാന സെക്രട്ടറി എം.സി മായിന്‍ ഹാജി അനുസ്മരണ പ്രഭാഷണം നടത്തി.
ജില്ലാ ലീഗ് പ്രസിഡന്റ് ഉമര്‍ പാണ്ടികശാല, യു. പോക്കര്‍, കെ.കെ ആലിക്കുട്ടി, കൗണ്‍സിലര്‍ എസ്.വി മുഹമ്മദ് ഷമീല്‍, എം. മമ്മദ് കോയ ഹാജി, എ.പി മുഹമ്മദ് ബഷീര്‍, പി. ബിച്ചിക്കോയ, എം.കെ ഹസന്‍കോയ, വി. ഷിഹാബ് നല്ലളം, കണ്ണാടി മായ്തീന്‍, സി.കെ കോമു, കെ. ഖാദര്‍, കെ. ആദം, വീരാന്‍കോയ ഹാജി സംസാരിച്ചു.
മേഖല ലീഗ് പ്രസിഡന്റ് എം. കുഞ്ഞാമുട്ടി അധ്യക്ഷനായി. ജനല്‍ സെക്രട്ടറി റിയാസ് അരിക്കാട് സ്വാഗതം പറഞ്ഞു.