കാബൂള്‍: അഫ്ഗാനിസ്താനിലെ സൈനിക പരിശീലനത്തിലുണ്ടായ ആക്രമണത്തില്‍ 65 സുരക്ഷാ ഉദ്യോഗസ്ഥരാണ് കൊല്ലപ്പെട്ടതെന്ന് സര്‍ക്കാര്‍ സ്ഥിരീകരണം.
മയ്ദാന്‍ വര്‍ദക് പ്രവിശ്യയിലെ മയ്ദാന്‍ ഷഹ്‌റില്‍ തിങ്കളാഴ്ചയാണ് താലിബാന്‍ ആക്രമണമുണ്ടായത്.
126 പേര്‍ കൊല്ലപ്പെട്ടെന്നായിരുന്നു നേരത്തെയുണ്ടായിരുന്ന റിപ്പോര്‍ട്ട്.
എന്നാല്‍ കെട്ടിടങ്ങള്‍ക്കുള്ളില്‍ 65 മൃതദേഹങ്ങളാണ് തങ്ങള്‍ക്ക് കണ്ടെത്താനായതെന്ന് വര്‍ദക് പ്രവിശ്യാ കൗണ്‍സിലിന്റെ ഉപതലവന്‍ മുഹമ്മദ് സര്‍ദാര്‍ ബക്‌യാരി പറഞ്ഞു.
എന്നാല്‍ മരണസംഖ്യ ഉയരാന്‍ സാധ്യതയുണ്ടെന്ന് മുതിര്‍ന്ന സുരക്ഷാ ഉദ്യോഗസ്ഥന്‍ പറഞ്ഞു. മരണസംഖ്യ സംബന്ധിച്ച് ആശയക്കുഴപ്പം ഉയര്‍ന്നിരുന്നു.
12 സുരക്ഷാ ഉദ്യോഗസ്ഥര്‍ മരിച്ചെന്നായിരുന്നു ആദ്യം പുറത്തുവന്ന റിപ്പോര്‍ട്ടുകള്‍ വ്യക്തമാക്കിയത്.
എന്നാല്‍ 126 പേര്‍ മരിച്ചെന്ന് പിന്നീട് പ്രതിരോധ മന്ത്രാലയം ഉദ്യോഗസ്ഥനാണ് അറിയിച്ചത്.