ഊട്ടി: കുന്നൂരിനു സമീപം കാട്ടുതീ പടര്‍ന്ന് സ്വകാര്യ വ്യക്തിയുടെ രണ്ട് ഏക്കര്‍ തേയിലത്തോട്ടം കത്തി നശിച്ചു.
കഴിഞ്ഞദിവസം രാത്രിയാണ് തോട്ടത്തില്‍ തീ പടര്‍ന്നത്. വിവരമറിഞ്ഞ് വനം വകുപ്പ് അധികൃതര്‍ ഉള്‍പ്പെടെ സ്ഥലത്തെത്തി തീയണക്കാന്‍ ശ്രമിച്ചെങ്കിലും തോട്ടം പൂര്‍ണമായും കത്തി നശിച്ചു. കുന്നൂരിലും സമീപ്ര പ്രദേശങ്ങളിലും രാത്രിയിലെ മഞ്ഞ് വീഴ്ചയും പകലിലെ ശക്തമായ വെയിലും കാരണം വരള്‍ച്ച രൂക്ഷമായിരിക്കുകയാണ്. ഇത് കാട്ടു തീ പടരാന്‍ സാധ്യത വര്‍ധിപ്പിക്കുമെന്നതിനാല്‍ പ്രദേശങ്ങളില്‍ വനം വകുപ്പ് നിരക്ഷണം ശക്തമാക്കിയിരിക്കുകയാണ്.