കൊച്ചി: പത്മശ്രീ പുരസ്‌കാര നേട്ടത്തിന് ശേഷം കേരളത്തില്‍ തിരിച്ചെത്തിയ ഇന്‍ഡ്യന്‍ ഹോക്കി ടീം ക്യാപ്റ്റനായ ഒളിമ്പ്യന്‍ പി.ആര്‍ ശ്രീജേഷിനെ ഡി.വൈ.എഫ്.ഐ ഉപഹാരം നല്‍കി ആദരിച്ചു. ഡി.വൈ.എഫ്.ഐ സംസ്ഥാന സെക്രട്ടറി എം.സ്വരാജ് എം.എല്‍.എയുടെ നേതൃത്വത്തില്‍ ഡി.വൈ.എഫ്.ഐ നേതാക്കളും പ്രവര്‍ത്തകരും ഇന്നലെ രാവിലെ ശ്രീജേഷിന്റെ പള്ളിക്കരയിലെ വീട്ടിലെത്തിയാണ് അദ്ദേഹത്തെ ആദരിച്ചത്. ഡി.വൈ.എഫ്.ഐയുടെ പേരിലുള്ള ഫലകം എം.സ്വരാജ് ശ്രീജേഷിന് കൈമാറി. ജില്ലാ സെക്രട്ടറി അഡ്വ. കെ എസ് അരുണ്‍കുമാര്‍ പൊന്നാടയണിയിച്ചു.  
ജില്ലാ പ്രസിഡന്റ് പ്രിന്‍സി കുര്യാക്കോസ്, ജില്ലാ വൈസ് പ്രസിഡന്റ് സജി ജോര്‍ജ്ജ്, വി ആര്‍  രാഗേഷ്, മുഹമ്മദാലി ഹുസൈന്‍ , ബേസില്‍ വര്‍ഗീസ്, എന്‍ വി വാസു, എന്‍ വി രാജപ്പന്‍ എന്നിവര്‍ നേതൃത്വം നല്‍കി.