ദമസ്‌കസ്: സിറിയന്‍ തലസ്ഥാനമായ ദമസ്‌കസിന് നേരെ ഇസ്‌റാഈല്‍ നടത്തിയ വ്യോമാക്രമണത്തില്‍ ആറുപേര്‍ കൊല്ലപ്പെട്ടു. ദമസ്‌കസിലെ അന്താരാഷ്ട്ര വിമാനത്താവളത്തിനടുത്താണ് ആക്രമണമുണ്ടായത്. മരിച്ചവരില്‍ ഒരാള്‍ സിറിയക്കാരനാണെന്ന് തിരിച്ചറിഞ്ഞിട്ടുണ്ട്.
രണ്ടുപേര്‍ തങ്ങളുടെ ആളുകളാണന്ന് ഫലസ്തീന്‍ ഇസ്‌ലാമിക് ജിഹാദ് മേധാവി (പി.ഐ.ജി) അറിയിച്ചു.
ബാക്കിയുള്ളവര്‍ എവിടെയുള്ളവരാണന്ന് തിരിച്ചറിഞ്ഞിട്ടില്ല. സയണിസ്റ്റുകാരുടെ ഭീരുത്വമാണ് ആക്രമണത്തിന് പിന്നിലെന്ന് പി.ഐ.ജി മേധാവി ആരോപിച്ചു.