കൊണ്ടോട്ടി: കരിപ്പൂരില്‍ നിന്ന് ജിദ്ദയിലേക്കുള്ള എയര്‍ഇന്ത്യയുടെ ജംമ്പോ വിമാനം യന്ത്രത്തകരാറിനെ തുടര്‍ന്ന് റദ്ദാക്കി.
ഇന്നലെ വൈകിട്ട് 5.30ന് കരിപ്പൂരില്‍ നിന്ന് പുറപ്പെടേണ്ട വിമാനമാണ് റദ്ദാക്കിയത്. ഉംറ തീര്‍ഥാടകര്‍ ഉള്‍പ്പടെ 400ലേറെ പേരാണ് വിമാനത്തില്‍ പോകാനായി ഉണ്ടായിരുന്നത്.
പരിശോധനകള്‍ പൂര്‍ത്തിയാക്കി വൈകിട്ട് അഞ്ചിന് തന്നെ യാത്രക്കാരെ വിമാനത്തില്‍ കയറ്റി.
വിമാനം പുറപ്പെടാന്‍ ഒരുങ്ങുന്നതിനിടയിലാണ് യന്ത്രത്തകരാര്‍ കണ്ടെത്തിയത്.