ചങ്ങനാശ്ശേരി: മൂല്യങ്ങള്‍ക്ക് പ്രാധാന്യം നല്‍കുന്നതാവണം വിദ്യാഭ്യാസമെന്ന് ചങ്ങനാശേരി അതിരൂപത മെത്രാപ്പോലീത്ത മാര്‍ ജോസഫ് പെരുന്തോട്ടം. ചങ്ങനാശേരി എസ്.ബി കോളജിലെ പൂര്‍വ വിദ്യാര്‍ഥി സംഗമം ഉദ്ഘാടനം ചെയ്യുകയായിരുന്നു അദ്ദേഹം.
അലുംമ്‌നി അസോസിയേഷന്‍ പ്രസിഡന്റും റബര്‍ ബോര്‍ഡ് മുന്‍ ഡയറക്ടറുമായ ഡോക്ടര്‍ എന്‍.എം മാത്യു അധ്യക്ഷത വഹിച്ചു, പ്രമുഖ ഗാസ്‌ട്രോ എന്‍ട്രോളജിസ്റ്റ് കൂടിയായ പൂര്‍വ വിദ്യാര്‍ഥി ഡോ. ഫിലിപ്പ് അഗസ്റ്റിന്‍ മുഖ്യാതിഥിയായിരുന്നു കോളജില്‍ നിന്നും പഠനം പൂര്‍ത്തിയാക്കി 50 വര്‍ഷം പിന്നിട്ട 1969 ബാച്ച് വിദ്യാര്‍ഥികളെ മുന്‍ മുഖ്യമന്ത്രി ഉമ്മന്‍ചാണ്ടി ഉപഹാരം നല്‍കി ആദരിച്ചു.
കേരള സ്റ്റേറ്റ് പ്ലാനിങ് ബോര്‍ഡ് അംഗവും കേരള സര്‍വകലാശാല മുന്‍ വൈസ് ചാന്‍സിലറുമായ ഡോ. ബി. ഇക്ബാല്‍ വിവിധ സ്‌കോളര്‍ഷിപ്പുകള്‍ വിതരണം ചെയ്തു. പൂര്‍വ വിദ്യാര്‍ഥി സംഘടന പുറത്തിറക്കിയ കലണ്ടര്‍ ജര്‍മ്മനിയിലെ ട്യൂബിങ്ടണ്‍ യൂനിവേഴ്‌സിറ്റി മലയാളം ചെയര്‍ അധ്യക്ഷന്‍ ഡോ.സ്‌ക്കറിയ സക്കറിയ പ്രകാശനം ചെയ്തു.
പ്രിന്‍സിപ്പല്‍ ഫാദര്‍ മുള്ളംപാറ, വൈസ് പ്രിന്‍സിപ്പല്‍മാരായ പ്രൊഫ. ജോണ്‍ കുര്യന്‍,ഫാ. റെജി പ്ലാന്തോട്ടം. ഫാ. ജോണ്‍ ചാവറ അലുംമ്‌നിയം അസോസിയേഷന്‍ ഭാരവാഹികളായ ഷാജി പാലാത്ര, പ്രൊഫ. രഞ്ജിത്, സെബിന്‍ എസ് കൊട്ടാരം, ഡെയ്‌സമ്മ ജെയിംസ്, ജോഷി എബ്രഹാം ജിജി ഫ്രാന്‍സിസ് നിറപറ, ജൂബിലി ബാച്ച് പ്രതിനിധികളായ പി,ജോസഫ് എന്നിവര്‍ പ്രസംഗിച്ചു. കോളജില്‍ നിന്നും ഈ വര്‍ഷം റിട്ടയര്‍ ചെയ്യുന്ന അധ്യാപകരും അനധ്യാപകരേയും ചടങ്ങില്‍ ആദരിച്ചു. പ്രളയത്തില്‍ എസ്.ബി കോളജ് നടത്തിയ സേവന പ്രവര്‍ത്തനങ്ങളെ ആസ്പദമാക്കി ബര്‍ക്ക്മാന്‍സ് തയ്യാറാക്കിയ ഷോര്‍ട്ട് ഫിലിം ചടങ്ങില്‍ പ്രകാശിപ്പിച്ചു.