തലശ്ശേരി: കൊടുവള്ളി ഗവ.ഹയര്‍ സെക്കന്‍ഡറി സ്‌കൂളിലെ നാലു ക്ലാസ്മുറികള്‍ സ്മാര്‍ട്ടാകുന്നു. ഇതിന്റെ ഉദ്ഘാടനം ഇന്ന് വൈകുന്നേരം മൂന്നുമണിക്ക് മുല്ലപ്പള്ളി രാമചന്ദ്രന്‍ എം.പി നിര്‍വഹിക്കും.
രണ്ട് ഒന്നാം ക്ലാസുകളും എല്‍.കെ.ജി, യു.കെ.ജി വിഭാഗങ്ങളിലെ രണ്ട് ക്ലാസ് മുറികളുമാണ് സ്മാര്‍ട്ട് ക്ലാസുകളാക്കി മാറ്റുന്നത്. പി.ടി.എ കമ്മിറ്റിയുടെ പ്രവര്‍ത്തനത്തിന്റെ ഫലമായി പൂര്‍വവിദ്യാര്‍ഥികള്‍, സ്വകാര്യവ്യക്തികള്‍, സ്ഥാപനങ്ങള്‍ എന്നിവയുടെ സഹായത്തോടെയാണ് സ്‌കൂള്‍ ക്ലാസ് മുറികള്‍ നവീകരിച്ചത്. ഉദ്ഘാടന ചടങ്ങില്‍ നഗരസഭാ ചെയര്‍മാന്‍ സി.കെ രമേശന്‍ അധ്യക്ഷനാവും. എ.എന്‍ ഷംസീര്‍ എം.എല്‍.എ,  പ്രദീപ് ചൊക്ലി എന്നിവര്‍ വിശിഷ്ടാതിഥികളാവും. വാര്‍ത്താ സമ്മേളനത്തില്‍ മുനവര്‍ അഹമ്മദ്, ആര്‍.കെ സുഭാഷ്, പ്രിന്‍സിപ്പള്‍ എ.പി സുധ, സ്‌കൂള്‍ വെല്‍ഫെയര്‍ കമ്മിറ്റി ചെയര്‍മാന്‍ പി.പി സാജിദ, കണ്‍വീനര്‍ കെ രമാഭായി പങ്കെടുത്തു.