റിയാദ് : റിയാദിൽ തിരുവനന്തപുരം സ്വദേശി ഹൃദയാഘാതം മൂലം മരണപ്പെട്ടു.  കണിയാപുരം പെരുമാതുറ സ്വദേശി കിഴക്കേതിൽ വീട്ടിൽ സവാദ് അബ്ദുൽ ജബ്ബാർ (50) ആണ്‌ മരിച്ചത്.  ഇന്നലെ വൈകുന്നേരം വീട്ടിൽ വെച്ചു നെഞ്ചു വേദനയുണ്ടായതിനെ തുടർന്നു സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
എംബസി സ്കൂൾ മുൻ  അധ്യാപികയായ ഷിമ ബീവിയാണ് ഭാര്യ. മക്കൾ: അബിൻ സവാദ്,  അഫ്രീൻ സവാദ്.  മൃതദേഹം റിയാദിൽ മറവു ചെയ്യാൻ വേണ്ട നടപടി ക്രമങ്ങൾക്കായി സഹോദരങ്ങൾക്കും ബന്ധുക്കൾക്കുമൊപ്പം സാമൂഹ്യ പ്രവർത്തകരായ ഷിഹാബ് കൊടുംകാട്, മജീദ് ചിങ്ങോലി, ഷരിക്ക് തൈക്കണ്ടി എന്നിവർ രംഗത്തുണ്ട്.