കൊടുങ്ങല്ലൂര്‍: മേത്തല പറമ്പിക്കുളങ്ങര മാനവ സേവാ കേന്ദ്രത്തിന്റെ ആഭിമുഖ്യത്തില്‍ അനുമോദന സഭ സംഘടിപ്പിച്ചു. ദേശീയ പുരസ്‌ക്കാരം നേടിയ കൊടുങ്ങല്ലൂര്‍ താലൂക്ക് ഗവ. ആശുപത്രിയിലെ നഴ്‌സ് പി.ജെ ലിന്‍സി, എം കോം പരീക്ഷയില്‍ ഒന്നാം റാങ്ക് നേടിയ ലക്ഷ്മിപ്രിയ, എസ്.എസ്.എല്‍.സി പ്ലസ് ടു പരീക്ഷകളില്‍ ഉയര്‍ന്ന വിജയം നേടിയ വിദ്യാര്‍ഥികള്‍ എന്നിവരെ ചടങ്ങില്‍ അനുമോദിച്ചു.
കൊടുങ്ങല്ലൂര്‍ സര്‍ക്കിള്‍ ഇന്‍സ്‌പെക്ടര്‍ സിബി ടോം ചടങ്ങ് ഉദ്ഘാടനം ചെയ്തു. മാനവ സേവാ കേന്ദ്രം വൈസ് പ്രസിഡന്റ് ഒ.വി സന്തോഷ് അധ്യക്ഷനായി. താലൂക്ക് ഗവ. ആശുപത്രി സൂപ്രണ്ട് ഡോ. ടി.വി റോപ്പ് മുഖ്യാതിഥിയായിരുന്നു.
അഡ്വ ടി.കെ.മധു, സജീവന്‍ പറപറമ്പില്‍, സ്മിത ആനന്ദന്‍, ടി.എസ് സജീവന്‍, സി.ഒ ലക്ഷ്മിനാരായണന്‍, ഒ.പി സുരേഷ്, ബീന ശങ്കര്‍ജി സംസാരിച്ചു.