അമ്പലപ്പുഴ: പുന്നപ്ര വിജ്ഞാനപ്രദായിനി ഗ്രന്ഥശാലയുടേയും, തയ്യില്‍ ചാരിറ്റബിള്‍ ട്രസ്റ്റിന്റേയും സംയുക്താഭിമുഖ്യത്തില്‍ കളിത്തട്ട് -ഫിഷ് ലാന്റിംഗ് റോഡിന്റെ വശങ്ങളില്‍ വൃക്ഷത്തൈ നട്ടു പരിപാലിക്കുന്നതിന് പദ്ധതിക്ക് തുടക്കമായി. പരിപാടിയുടെ ഉല്‍ഘാടനം ആദ്യ വൃക്ഷത്തൈ നട്ട് ആലപ്പുഴ ഹുസൂര്‍ (ജില്ലാ പോലീസ് കംപ്ലയിറ്റ് അതോര്‍ട്ടി ചെയര്‍മാന്‍) ശിരസ്തദാര്‍ എ.അബ്ദുല്‍ റഷീദ് നിര്‍വ്വഹിച്ചു.
പരിസ്ഥിതി ദിനമായ ജൂണ്‍ 5 വരെ നീണ്ടു നില്‍ക്കുന്ന പരിപാടിയിലൂടെ കളിത്തട്ട് ജീഗ്ഷന്‍ മുതല്‍ ഫിഷ് ലാന്റിഗ് സെന്റര്‍ വരെ റോഡിനിരുവശവും വൃക്ഷ തൈകള്‍ നടുന്ന പ്രവര്‍ത്തിപൂര്‍ത്തിയാക്കും.സാമൂഹിക വനവലക്കരണത്തിന്റെ ഭാഗമായുളള വൃക്ഷത്തൈകള്‍ പുന്നപ്ര തെക്ക് പഞ്ചായത്താണ് ലഭ്യമാക്കുന്നത്. തയ്യില്‍ ഹബീബ് നടപ്പിലാക്കിയ കുടിവെള്ള പദ്ധതിയില്‍ നിന്ന് ലഭിക്കുന്ന വെള്ളീ മരങ്ങളുടെ ചുവട്ടില്‍ എത്തിക്കുന്നതിനാണ് പദ്ധതി തയ്യാറാക്കിയിരിക്കുന്നത്. ചടങ്ങില്‍ തയ്യില്‍ ചാരിറ്റബിള്‍ ട്രസ്റ്റ് ചെയര്‍മാന്‍ തയ്യില്‍ ഹബീബ്, പുന്നപ്ര വിജ്ഞാനപ്രദായിനി ഗ്രന്ഥശാലാ പ്രസിഡന്റ് കെ.ആര്‍. തങ്കജി, വൈസ് പ്രസിഡന്റ് ആര്‍.അമൃതരാജ്, ഡി. ശ്യാംകുമാര്‍, ബി.പ്രവീണ്‍, സമേഷ് മോഹന്‍ എന്നിവര്‍ പങ്കെടുത്തു.