ചീമേനി: ചീമേനി ക്ലസ്റ്റര്‍ എസ്.കെ.എസ്.എസ്.എഫ്. കമ്മിറ്റിക്ക് കീഴില്‍ രോഗികള്‍ക്കാവശ്യമായ ചക്രക്കസേര, വാട്ടര്‍ ബെഡ്, എയര്‍ ബെഡ് , ഊന്നുവടി എന്നിവ സൗജന്യ ഉപയോഗത്തിന് നല്‍കുന്ന സഹചാരി സെന്റര്‍ പ്രവര്‍ത്തനം തുടങ്ങി.
ആമത്തല ജുമാ മസ്ജിദിന്  മുന്നിലുള്ള ശംസുല്‍ ഹുദാ ഓഫിസിലാണ് സഹചാരി സെന്ററിന്റെ പ്രവര്‍ത്തനം ആരംഭിച്ചത്.  സയ്യിദ് സിറാജുദീന്‍ അല്‍ ബുഖാരി മലപ്പുറം സെന്ററിന്റെ പ്രവര്‍ത്തനോദ്ഘാടനംചെയ്തു. എസ്.കെ.എസ്.എസ്.എഫ് നടത്തുന്ന വിവിധ സാമൂഹ്യ പ്രവര്‍ത്തനങ്ങളില്‍ മികച്ചതാണ് സഹചാരി സെന്ററിന്റെ പ്രവര്‍ത്തനങ്ങളെന്നും, ഇത്തരം പ്രവര്‍ത്തനങ്ങള്‍ മറ്റു വിദ്യാര്‍ത്ഥി സംഘടനകള്‍ക്ക് മാതൃകയാണെന്നും അദ്ദേഹം പറഞ്ഞു.
മെഡിക്കല്‍ കിറ്റ് റെയ്ഞ്ച് മാനേജ്‌മെന്റ് സെക്രട്ടറി എന്‍.സിദ്ദീഖ് ആമത്തല സഹചാരി സെന്റര്‍ ഭാരവാഹികള്‍ക്ക് കൈമാറി. ടി.പി അബ്ദുസലാം ഹാജി സെന്റര്‍ സമര്‍പ്പണം നടത്തി.തുടര്‍ന്ന് നടന്ന സമ്മേളനം  എസ്.കെ.എസ്.എസ്.എഫ് ജില്ലാ ജോ.സെക്രട്ടറി യൂനുസ് ഫൈസി ഉദ്ഘാടനംചെയ്തു. പെരുമ്പട്ട റൈഞ്ച് പ്രസിഡന്റ് മുഹമ്മദ് ഹനീഫ്  ഫൈസി അധ്യക്ഷനായി. ജഅഫര്‍ ബുസ്താനി മുഖ്യ പ്രഭാഷണം നടത്തി. അബ്ദുല്‍ മജീദ് മൗലവി, സാദിഖ് മൗലവി, ലുഖ്മാന്‍ അസ്അദി, ശിഹാബ് ഫൈസി, ശൗക്കത്തലി മാസ്റ്റര്‍, അസിനാര്‍ മൗലവി, റഫീഖ് മാസ്റ്റര്‍, ഹാരിസ് ദാരിമി, പി.സി. ജാബിര്‍, കെ.കെ.ശിഹാബുദ്ദീന്‍, എന്‍.സിറാജ്, സാകിബ് അത്തൂട്ടി, എന്‍. സവാദ്  തുടങ്ങിയവര്‍ പ്രസംഗിച്ചു. സെന്റര്‍ കണ്‍വീനര്‍ യൂസുഫ് മാസ്റ്റര്‍ സ്വാഗതവും എം.ടി.പി. അഷ്‌റഫ് നന്ദിയും പറഞ്ഞു.
ബി.പി ചെക്കിങ്, ഷുഗര്‍ ടെസ്റ്റ്, തുടങ്ങിയ സേവനങ്ങളും പി.എസ്.സി രജിസ്‌ട്രേഷന്‍, പരിശീലനങ്ങള്‍ തുടങ്ങിയവയും സെന്ററില്‍ ലഭ്യമാണ്.  സേവനങ്ങള്‍ ആവശ്യമുള്ളവര്‍ ഓഫിസിലെത്തണം.  ഫോണ്‍: 9400457249,  8547376209,  9526145958.