കൊട്ടിയം: കൊട്ടിയത്ത് രണ്ടിടങ്ങളില്‍ മോഷണം നടന്നു. കൊട്ടിയം എന്‍.എസ്.എസ്.ലോ കോളേജിന് എതിര്‍വശത്ത് എ.എച്ച്. ഡെയിലില്‍ ഷഹീറിന്റെ വീട്ടിലും കണ്ണനല്ലൂര്‍ റോഡിലെ മിന്നൂസ് ജുവലറിയിലുമാണ് കവര്‍ച്ച നടന്നത്.
ഖത്തറില്‍ സ്ഥിരതാമസമായ ഷെഹീര്‍ കുടുംബത്തോടൊപ്പം വല്ലപ്പോഴും നാട്ടില്‍ വരുമ്പോള്‍ തങ്ങുന്നതിനാണ് വീട് പണി കഴിപ്പിച്ചിട്ടുള്ളത്. അയല്‍വാസി മധുവാണ് നോട്ടക്കാരന്‍. ഇയാള്‍ തിങ്കളാഴ്ച രാവിലെ ലൈറ്റ് അണയ്ക്കുന്നതിന് എത്തിയപ്പോഴാണ് വീടിന്റെ മുന്‍വാതില്‍ തകര്‍ത്ത നിലയില്‍ കണ്ടത്.
പൊലീസെത്തി കൂടുതല്‍ പരിശോധനകള്‍ നടത്തി. പൂട്ടിയിട്ടിരുന്ന കിടപ്പുമുറിയുടെ കതകിന്റെ പൂട്ടും തകര്‍ത്തിട്ടുണ്ട്. ന്നു.കൊട്ടിയം ജംഗ്ഷനോട് ചേര്‍ന്ന് കണ്ണനല്ലൂര്‍ റോഡില്‍ പ്രവര്‍ത്തിക്കുന്ന മിന്നൂസ് ജുവലറിയില്‍ കവര്‍ച്ച നടത്തിയ മോഷ്ടാക്കള്‍ സ്വര്‍ണം, വെള്ളി ആഭരണകള്‍ കവര്‍ന്നു. നാല് കിലോ വെള്ളിയാഭരണങ്ങളും അറുപത് ഗ്രാം സ്വര്‍ണ്ണാഭരണങ്ങളുമാണ് ഇവിടെ നിന്നും കവര്‍ന്നത്.
കടയുടെ മുന്‍ഭാഗത്ത് ഗ്ലാസ് ഡോറിന്റെയും അകത്ത് ഷട്ടറിന്റെയും പൂട്ടുകള്‍ തകര്‍ത്താണ് മോഷ്ടാക്കള്‍ അകത്തു കടന്നത്. സേഫിനുളളില്‍ വച്ചിരുന്ന ആഭരണങ്ങളാണ് നഷ്ടമായത്. രാത്രിയാണ് മോഷണം നടന്നതെന്ന് കരുതുന്നു. മയ്യനാട് റോഡില്‍ പ്രവര്‍ത്തിച്ചിരുന്ന കട രണ്ടാഴ്ച മുന്‍പാണ് ഇവിടേയ്ക്ക് മാറ്റിയത്. കൊട്ടിയം പോലീസ്, വിരലടയാള വിദഗ്ധര്‍, ഡോഗ് സ്‌ക്വാഡ് എന്നിവര്‍ രണ്ടിടങ്ങളിലും എത്തി പരിശോധന നടത്തി.