ചേളാരി: പൊതുപരീക്ഷകള്‍ക്കും മൂല്യനിര്‍ണയത്തിനും സമസ്ത മോഡല്‍ മാതൃകയാക്കാന്‍ അക്കാദമിക സമൂഹം തയാറാകണമെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് നടത്തിയ പൊതുപരീക്ഷയുടെ പട്ടിക്കാട് ജാമിഅ നൂരിയ്യയില്‍ നടക്കുന്ന കേന്ദ്രീകൃത മൂല്യനിര്‍ണയ ക്യാംപ് സന്ദര്‍ശിച്ചു സംസാരിക്കുകയായിരുന്നു അദ്ദേഹം.
കോഴിക്കോട് ഖാസിയും സുന്നി യുവജന സംഘം സംസ്ഥാന ജനറല്‍സെക്രട്ടറിയുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, പി. അബ്ദുല്‍ ഹമീദ് എം.എല്‍.എ, സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് അംഗങ്ങളായ എം.സി. മായിന്‍ ഹാജി, അബ്ദുല്‍ഹമീദ് ഫൈസി അമ്പലക്കടവ്, ഇ. മൊയ്തീന്‍ ഫൈസി പുത്തനഴി, മാനേജര്‍ കെ. മോയിന്‍കുട്ടി മാസ്റ്റര്‍ എന്നിവരും തങ്ങള്‍ക്കൊപ്പമുണ്ടായിരുന്നു.