കല്‍പ്പറ്റ: കേന്ദ്ര സംസ്ഥാന സര്‍ക്കാരുകളുടെ തൊഴിലാളി വിരുദ്ധ നയങ്ങള്‍ക്കും ജനദ്രോഹ നടപടികള്‍ക്കുമെതിരെ എസ്.ടി.യു പ്രക്ഷോഭം ആരംഭിക്കുമെന്ന് എസ്.ടി.യു സംസ്ഥാന വൈസ് പ്രസിഡന്റും ജില്ലാ റിട്ടേണിങ് ഓഫിസറുമായ എം.എ കരീം. ജില്ലാ എസ്.ടി.യു ജനറല്‍ കൗണ്‍സില്‍ യോഗത്തില്‍ സംസാരിക്കുകയായിരുന്നു അദ്ദേഹം. എസ്.ടി.യു.സംസ്ഥാന വൈസ്പ്രസിഡന്റും ജില്ലാ മുസ്്‌ലിം ലീഗ് പ്രസിഡന്റുമായ പി.പി.എ കരീം യോഗം ഉദ്ഘാടനം ചെയ്തു. പി.വി കുഞ്ഞിമുഹമ്മദ് അധ്യക്ഷനായി.
ജില്ലാ ഭാരവാഹികളായി പി.വി കുഞ്ഞുമുഹമ്മദ് (പ്രസി), സി മുഹമ്മദ് ഇസ്മായില്‍ (വര്‍.പ്രസി), ടി ഹംസ, എ.പി ഹമീദ്, പാറക്ക മമ്മൂട്ടി, തൈത്തൊടി ഇബ്രാഹിം, കെ. അബ്ദുറഹിമാന്‍, ആയങ്കി അബ്ദുറഹിമാന്‍, എ. ദേവകി (വൈ.പ്രസി), സി. മൊയ്തീന്‍കുട്ടി (ജന.സെക്ര), സി. മമ്മി, ഇ. അബ്ദുറഹിമാന്‍, നാസര്‍ പട്ടത്ത്, ഇ. ബഷീര്‍, കെ.ടി സുബൈര്‍, പടയന്‍ ഇബ്രാഹിം (ജോ.സെക്ര), അബ്ദുല്ല മാടക്കര (ട്രഷ) എന്നിവരെ തിരഞ്ഞെടുത്തു.