കോഴിക്കോട്: ഐ.ടി.ഐ പരിശീലനം പൂര്‍ത്തിയാക്കിയവര്‍ക്കായി കോഴിക്കോട്ട് ഗവ.ഐ.ടി.ഐയില്‍ തൊഴില്‍മേള സംഘടിപ്പിച്ചു.
ജോബ്‌ഫെയര്‍ സ്‌പെക്ട്രം 2017 എന്ന പേരില്‍ നടന്ന പരിപാടിയില്‍ 43 സ്ഥാപനങ്ങളിലായി 748 പേര്‍ക്ക് തൊഴില്‍ ലഭിച്ചു. കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍നിന്നായി 1438 ഉദ്യോഗാര്‍ഥികള്‍ പങ്കെടുത്ത മേള എ. പ്രദീപ് കുമാര്‍ എം.എല്‍.എ ഉദ്ഘാടനം ചെയ്തു.
വ്യാവസായിക പരിശീലന വകുപ്പ് അഡിഷണല്‍ ഡയരക്ടര്‍ പി.കെ മാധവന്‍, തൊഴില്‍ വകുപ്പുമന്ത്രിയുടെ അഡീഷനല്‍ പ്രൈവറ്റ് സെക്രട്ടറി കെ. സലിം വ്യാവസായിക പരിശീലന വകുപ്പിന്റെ വികസന പദ്ധതികള്‍ വിശദീകരിച്ചു.
കണ്ണൂര്‍ റീജിനല്‍ ഡയറക്ടറേറ്റ് ജോയിന്റ് ഡയറക്ടര്‍ സുനില്‍ ജേക്കബ്, വനിതാ ഐ.ടി.ഐ പ്രിന്‍സിപ്പല്‍ ആര്‍. രവികുമാര്‍, വാര്‍ഡ് കൗണ്‍സിലര്‍ കെ. രതീദേവി സംസാരിച്ചു.