മാനന്തവാടി: വള്ളിയൂര്‍ക്കാവ് ഉത്സവത്തിന് ഇന്ന് കൊടിയേറും. ഉത്സവം തുടങ്ങി ഏഴാംനാളില്‍ കൊടിയേറ്റുക എന്നതാണ് വള്ളിയൂര്‍ക്കാവ് ഉത്സവത്തിന്റെ പ്രത്യേകത. ഇന്ന് വൈകിട്ട് നാലിന് താഴെക്കാവിന് സമീപം ആദിവാസി മൂപ്പന്‍ രാഘവന്‍ കൊടിയേറ്റും. ഗോത്രജനതക്ക് ഏറെ പ്രധാന്യമുള്ള വള്ളിയൂര്‍ക്കാവില്‍ കൊടിയേറ്റ് മുതല്‍ ജില്ലയുടെ വിവിധ ഭാഗങ്ങളില്‍ നിന്നുള്ള ആദിവാസികള്‍ ഒന്നടങ്കം കാവിലേക്ക് എത്തും. 28ന് വിവിധ ക്ഷേത്രങ്ങളില്‍ നിന്നുള്ള അടിയറ എഴുന്നള്ളത്തുകള്‍ ക്ഷേത്രത്തില്‍ എത്തിച്ചേരും. മേലെകാവില്‍ നടക്കുന്ന കോലം കോറയോടെ ഉത്സവം സമാപിക്കും.