കൊച്ചി: സംവിധായകന്‍ വിനയനെ വിലക്കിയ സംഭവത്തില്‍ താര സംഘടകളായ അമ്മയ്ക്കും ഫെഫ്കയ്ക്കും പിഴ. കോംപിറ്റീഷന്‍ കമ്മിഷന്‍ ഓഫ് ഇന്ത്യയാണ് പിഴ ചുമത്തിയത്.

അമ്മ നാലു ലക്ഷം രൂപയും ഫെഫ്ക 85,594 രൂപയുമാണ് പിഴയൊടുക്കേണ്ടത്. അമ്മയുടെ ഭാരവാഹികളായ ഇന്നസെന്റ്, ഇടവേള ബാബു, ഫെഫ്ക ഭാരവാഹികളായ ബി ഉണ്ണികൃഷ്ണന്‍, സിബി മലയില്‍ എന്നിവരും പിഴയടക്കണം.

51,000 രൂപയാണ് ഇന്നസെന്റിന്റെ പിഴ. സിബി മലയിലിന് 61,000 രൂപയും. വിനയന്‍ നല്‍കിയ പരാതിയിലാണ് നടപടി.