തിരുവനന്തപുരം: ആഭ്യന്തര മന്ത്രാലയത്തിനെതിരേ ഉയരുന്ന വിമര്‍ശനങ്ങളില്‍ പ്രതികരണവുമായി മുഖ്യമന്ത്രി പിണറായി വിജയന്‍. തിരുവനന്തപുരത്തു ചേര്‍ന്ന സംസ്ഥാന സെക്രട്ടറിയേറ്റ് യോഗത്തിലും ആഭ്യന്തര വകുപ്പിനും പൊലിസിനുമെതിരേ രൂക്ഷ വിമര്‍ശനം ഉയര്‍ന്നിരുന്നു.

വിമര്‍ശനങ്ങള്‍ ഉള്‍ക്കൊണ്ട് മുമ്പോട്ടു പോകുമെന്ന് പിണറായി വിജയന്‍ പറഞ്ഞു. വീഴ്ചകളില്‍ കൃത്യസമയത്ത് നടപടിയെടുത്തു. കൂടുതല്‍ ജാഗ്രത പാലിക്കുമെന്നും സെക്രട്ടറിയേറ്റില്‍ പിണറായി പറഞ്ഞു.

പൊലിസിന് വീഴ്ച വന്നുവെന്ന് നിരവധി ഘട്ടങ്ങളില്‍ ആരോപണമുണ്ടായിരുന്നു. എന്നാല്‍ ഈ ഘട്ടത്തിലെല്ലാം കൃത്യമായ നടപടിയെടുത്തിട്ടുണ്ടെന്നും അദ്ദേഹം വ്യക്തമാക്കി.