ആലക്കോട്: പടപ്പേങ്ങാട് ആസ്ഥാനമായി രൂപീകരിച്ച ജീവ ചാരിറ്റബിള്‍ ട്രസ്റ്റ് റിട്ട. ലേബര്‍ ഓഫിസര്‍ പി.സി വിജയരാജ് ഉദ്ഘാടനം ചെയ്തു. തളിപ്പറമ്പ് താലൂക്കില്‍ ഉള്‍പ്പെട്ട പ്രദേശങ്ങളില്‍ ജീവ കാരുണ്യ പ്രവര്‍ത്തനങ്ങള്‍ സംഘടിപ്പിക്കുകയും നിര്‍ധനരായവര്‍ക്ക്  ചികിത്സ ഉള്‍പ്പെടെയുള്ള സഹായങ്ങള്‍ ലഭ്യമാക്കുകയും ചെയ്യുക എന്ന ലക്ഷ്യത്തോടെയാണ് ട്രസ്റ്റ് രൂപീകരിച്ചിരിക്കുന്നത്. പടപ്പേങ്ങാട് എല്‍.പി സ്‌കൂളില്‍ നടന്ന പരിപാടിയില്‍ മാത്യു പായിക്കാട്ട് അധ്യക്ഷനായി.
 ജില്ലാ പഞ്ചായത്തംഗം ജോയ് കൊന്നക്കല്‍ ചികിത്സാ സഹായം വിതരണം ചെയ്തു. എ.കെ രമേശന്‍, എ.എം വിനോദ് കുമാര്‍, പി. രവീന്ദ്രന്‍, ബാലകൃഷ്ണന്‍, എം. അബ്ദുല്ല, വി.എം സെബാസ്റ്റ്യന്‍, ടി. ബാലകൃഷ്ണന്‍ സംസാരിച്ചു.