അഞ്ചരക്കണ്ടി: അഞ്ചരക്കണ്ടി ടൗണിന്റെ വികസന പ്രശ്‌നങ്ങള്‍ക്ക് പരിഹാരമായില്ല. ഗതാഗത പ്രശ്‌നങ്ങള്‍ പരിഹരിക്കാനുള്ള നടപടികളൊന്നും ആസൂത്രണം ചെയ്തിട്ടില്ല. മട്ടന്നുര്‍ റോഡിലുളള ബസ്് സ്റ്റാന്‍ഡില്‍ കയറുന്നത് ഒഴിവാക്കാനാണ് സ്വകാരൃ ബസുകളുടെ ശ്രമം.
ഇതു ചിലപ്പോള്‍ വാക്കേറ്റങ്ങള്‍ക്കും കാരണമാവുന്നുണ്ട്. ഗതാഗത സ്തംഭനം ഇല്ലാതാക്കാന്‍ ബസ് സ്റ്റോപ്പുകളുടെ ക്രമീകരണം ഫലപ്രദമായില്ല. ജംഗ്ഷനില്‍ തന്നെ ബസുകള്‍ നിര്‍ത്തിയിടുന്നുണ്ട്. തലശ്ശേരി റോഡിലാണ് ഓട്ടോകള്‍ പാര്‍ക്ക് ചെയ്യുന്നത്. ഓട്ടോ പാര്‍ക്കിംഗ് നിലവിലെ ബസ് സ്റ്റാന്‍ഡിലേക്ക് മാറ്റാനുള്ള നടപടികളൊന്നും നടന്നില്ല.
നാലു ഭാഗങ്ങളില്‍ നിന്നും വാഹനങ്ങളെത്തുമ്പോള്‍ കടന്നുപോവാന്‍ വഴിയില്ല. സ്ഥല പരിമിതി പ്രധാന പ്രശ്‌നമായി നിലനില്‍ക്കുന്നു. അനുയോജൃമായ സ്ഥലം കണ്ടെത്തി വികസന പ്രശ്‌നങ്ങള്‍ പരിഹരിക്കാനുള്ള ശ്രമങ്ങളൊന്നും നടന്നില്ല. മാലിനൃ പ്രശ്‌നത്തിനും പരിഹാരമില്ല. ഓടകളിലെ മാലിനൃം മഴയില്‍ റോഡില്‍ പരക്കുന്നത് യാത്ര തടസമുണ്ടാക്കുന്നു. മികച്ച വാണിജൃകേന്ദ്രമായി മാറിക്കൊണ്ടിരിക്കുന്ന ഇവിടെ അടിസ്ഥാന സൗകരൃങ്ങളൊന്നുമില്ല.
അഞ്ചരക്കണ്ടി രജിസ്ട്രാഫിസ്,മെഡിക്കല്‍ കോളജ്, തുടങ്ങിയ സ്ഥാപനങ്ങളിലേക്ക് നിരവധി പേരാണ് എത്തിക്കൊണ്ടിരിക്കുന്നത്. കണ്ണുര്‍ വിമാന താവളം പ്രവര്‍ത്തനം തുടങ്ങുന്നതോടെ അഞ്ചരക്കണ്ടി വഴിയുള്ള വാഹനങ്ങളുടെ എണ്ണത്തില്‍ കാരൃമായ വര്‍ധനയുണ്ടാവും അഞ്ചരക്കണ്ടി ടൗണിന്റെ വികസന പ്രശ്‌നങ്ങള്‍ പരിഹരിക്കാന്‍ നടപടികള്‍ വേണമെന്ന് ആവശൃമുയര്‍ന്നിട്ടുണ്ട്.