ന്യൂഡല്‍ഹി: വനിതാ ജന്‍ധന്‍ യോജന ഗുണഭോക്താക്കള്‍ക്കുള്ള പ്രതിമാസ 500 രൂപയുടെ ആദ്യദഗഡു നാളെ മുതല്‍ സര്‍ക്കാര്‍ അക്കൗണ്ടില്‍ നിക്ഷേപിക്കും. ലോക്ക് ഡൗണ്‍ കണക്കിലെടുത്ത് ബുദ്ധിമുട്ടുകള്‍ ലഘൂകരിക്കുന്നതിനായി മൂന്ന് മാസത്തേക്ക് വനിതാ ജന്‍ധന്‍ യോജന ഗുണഭോക്താക്കളുടെ അക്കൗണ്ടുകളില്‍ പ്രതിമാസം 500 രൂപ വീതം നിക്ഷേപിക്കുമെന്ന് നേരത്തെ ധനമന്ത്രി നിര്‍മല സീതാരാമന്‍ പ്രഖ്യാപിച്ചിരുന്നു.

അതേ സമയം സാമൂഹിക അകലം പാലിക്കുന്നതിനായി പണം പിന്‍വലിക്കുന്നതിനുമായി ഒരു 'ഷെഡ്യൂള്‍' ഇന്ത്യന്‍ ബാങ്ക് അസോസിയേഷന്‍ പുറത്തുവിട്ടു.അക്കൗണ്ട് നമ്പര്‍ അവസാനിക്കുന്നത് 0,1 ആണെങ്കില്‍ ഏപ്രില്‍ മൂന്നാം തീയതി പിന്‍വലിക്കാം.

അക്കൗണ്ട് നമ്പര്‍ അവസാനിക്കുന്നത് 2,3 ആണെങ്കില്‍ ഏപ്രില്‍ നാലിന് പണം പിന്‍വലിക്കാം.അക്കൗണ്ട് നമ്പര്‍ അവസാനിക്കുന്നത് 4,5 ആണെങ്കില്‍ ഏപ്രില്‍ ഏഴാം തീയതിയും 6 അല്ലെങ്കില്‍ 7 തുടങ്ങിയ അക്കങ്ങളില്‍ അവസാനിക്കുന്നവര്‍ക്ക് ഏപ്രില്‍ എട്ടാം തീയതിയും 8 അല്ലെങ്കില്‍ 9 തുടങ്ങിയ അക്കങ്ങളില്‍ അവസാനിക്കുന്നവര്‍ക്ക് ഏപ്രില്‍ ഒന്‍പതാം തീയതി പണം പിന്‍വലിച്ച് ഉപയോഗിക്കാം. ഏപ്രില്‍ ഒന്‍പതിന് ശേഷം ഏത് ബാങ്ക് പ്രവര്‍ത്തി ദിവസവും ഉപഭോക്താക്കള്‍ക്ക് പണം പിന്‍വലിക്കാം.

സര്‍ക്കാര്‍ നിര്‍ദ്ദേശപ്രകാരം മറ്റ് ബാങ്ക് എടിഎമ്മുകളില്‍ നിന്ന് പണം പിന്‍വലിക്കുന്നതിന് യാതൊരു നിരക്കും ഈടാക്കില്ല.