കൊയിലാണ്ടി: രാഷ്ട്രപതിയില്‍ നിന്നു പത്മശ്രീ ഏറ്റുവാങ്ങി തിരിച്ചെത്തിയ ഗുരു ചേമഞ്ചേരി കുഞ്ഞിരാമന്‍ നായര്‍ക്ക് ജന്മനാട്ടില്‍ വന്‍ വരവേല്‍പ്പ്.
ഡല്‍ഹിയില്‍ നിന്നു വിമാനമാര്‍ഗം കരിപ്പൂരിലെത്തിയ ഗുരുവിനെ ചേമഞ്ചേരി പഞ്ചായത്ത് പ്രസിഡന്റ് കൂമുള്ളി കരുണാകരന്റെ നേതൃത്വത്തില്‍ സ്വീകരിച്ചു. ചെങ്ങോട്ട്കാവ് ടൗണില്‍ പൗരാവലി ഏര്‍പ്പെടുത്തിയ സ്വീകരണത്തില്‍ പഞ്ചായത്ത് പ്രസിഡന്റ് കൂമുള്ളി കരുണാകരന്‍ അധ്യക്ഷനായി. കെ. ദാസന്‍ എം.എല്‍.എ, മുന്‍ എം.എല്‍.എ പി. വിശ്വന്‍, വാര്‍ഡ് മെമ്പര്‍ ടി.വി സാദിഖ്, സി.വി ബാലകൃഷ്ണന്‍, കെ. ഗീതാനന്ദന്‍ സംസാരിച്ചു. ചിത്രകാരന്‍ കെ.കെ മാരാര്‍ അനുമോദന പ്രഭാഷണം നടത്തി.