ഭോപാല്‍: ലോക്ക്ഡൗണ്‍ ലംഘിച്ചെന്നാരോപിച്ച് ആദിവാസി വയോധികനെ പൊലിസ് അടിച്ചു കൊന്നു. മധ്യപ്രദേശിലെ കാരഗോണ്‍ ജില്ലയിലാണ് സംഭവം. മരുമകന്റെ കൂടെ വീട്ടിലേക്കുള്ള റേഷന്‍ വാങ്ങാനായി പുറത്തു പോയതായിരുന്നു. ടിബു മേധ എന്ന 65കാരനാണ് കൊല്ലപ്പെട്ടത്.

റേഷന്‍ വാങ്ങുന്നതിനായി കടക്കു മുന്നില്‍ വരി നില്‍ക്കുമ്പോള്‍ പൊലിസ് വന്ന് മര്‍ദ്ദിക്കാന്‍ തുടങ്ങി. ഇയാളോടൊപ്പമുണ്ടായിരുന്ന മരുമകന്‍ സഞ്ജയ് പറഞ്ഞു. ഇയാളുടെ പ്രതികരണമടങ്ങിയ വീഡിയോ സോഷ്യല്‍ മീഡിയകളില്‍ പ്രചരിക്കുന്നുണ്ട്. മര്‍ദ്ദനത്തില്‍ സഞ്ജയിനും പരുക്കേറ്റിരുന്നു.

സംഭവം വിവാദമായതോടെ പോലിസിനെതിരെ നടപടിയെടുക്കുമെന്ന് ഉറപ്പു നല്‍കി സ്ഥലം എം.എല്‍.എ രംഗത്തെത്തി. കുടുംബത്തിന് നഷ്ടപരിഹാരം നല്‍കുമെന്നും അധികാരികള്‍ ഉറപ്പു നല്‍കിയിട്ടുണ്ട്.