ആലപ്പുഴ : മുസ്‌ലീം ലീഗ് ആലപ്പുഴയില്‍ നടത്തിയ ശിഹാബ് തങ്ങള്‍ അനുസ്മരണവും, ഈദ് സന്ദേശ സംഗമവും ജില്ലാ പ്രസിഡന്റ് എ. എം നസീര്‍ ഉദ്ഘാടനം നിര്‍വഹിച്ചു.
ശിഹാബ് തങ്ങള്‍ റിലീഫ്‌സെല്‍ മേഖല ചെയര്‍മാന്‍ പി.അബ്ദുല്‍ ലത്തിഫ് റാവുത്തര്‍ അദ്ധ്യക്ഷനായി. ടൗണ്‍ പ്രസിഡന്റ് എ. എം നൗഫല്‍ സ്വാഗതവും മേഖല വൈസ് പ്രസിഡന്റ് ഒ. മുഹമ്മദാലി നന്ദിയും രേഖപ്പെടുത്തി. ജില്ലാ ട്രഷറര്‍ എ. യഹിയ അനുസ്മരണ പ്രഭാഷണം നടത്തി.
ജില്ലാ സെക്രട്ടറി എസ്. എ അബ്ദുല്‍ സലാം ലബ്ബ ഇഫ്ത്താര്‍ കിറ്റ് വിതരണം ചെയ്തു. ജില്ലാ സെക്രട്ടറി അഡ്വ. എ.എ റസ്സാക്ക് ഈദ് സന്ദേശം നല്‍കി. മണ്ഡലം ജനറല്‍ സെക്രട്ടറി ബാബുഷെറീഫ് വസ്ത്രങ്ങള്‍ വിതരണം ചെയ്തു. നഗരസഭാ വൈസ് ചെയര്‍പേഴ്‌സന്‍ ബീനാ കൊച്ചുബാവ നമസ്‌ക്കാര കുപ്പായ വിതരണവും, വനിതാ ലീഗ് മണ്ഡലം പ്രസിഡന്റ് ഹസീനാഅമാന്‍ ചികിത്സാ സഹായവിതരണവും നിര്‍വഹിച്ചു.
എ. എം യുസഫ്, മമ്മുകുട്ടി, എ.എം ഇസ്മയില്‍, റ്റി.എം ഷെരീഫ് ,എ. എം യൂസഫ് പോറ്റി, എച്ച്. നൗഷാദ്, നസീബ്ജമാല്‍, അജ്മല്‍ ശംസുദ്ദീന്‍ എന്നിവര്‍ സംസാരിച്ചു.