കൊച്ചി: മുന്‍നിര ഇന്റര്‍നെറ്റ്, സോഫ്റ്റ്‌വെയര്‍ സെക്യൂരിറ്റി സേവനദാതാക്കളായ കാസ്പഴ്‌സ്‌കി ലാബിന്റെ അന്താരാഷ്ട്ര അവാര്‍ഡിന് ഇന്ത്യന്‍ കമ്പനിയായ വി.ആര്‍ ഇന്‍ഫോടെക് അര്‍ഹമായി. 1997ല്‍ സ്ഥാപിതമായ വി.ആര്‍ ഇന്‍ഫോടെക് കാസ്പഴ്‌സ്‌കി ലാബിന്റെ ചാനല്‍ പാര്‍ട്ണര്‍കൂടിയാണ്.
വിയറ്റ്‌നാമിലെ ഡെനാങ്ങ് പെനിന്‍സുല ഇന്റര്‍കോണ്ടിനെന്റല്‍ റിസോര്‍ട്ടില്‍ നടന്ന കാസ്പഴ്‌സ്‌കി ലാബിന്റെ എട്ടാമത് എ.പി.എ.സി പാര്‍ട്ണര്‍ കോണ്‍ഫറന്‍സില്‍ കാസ്പഴ്‌സ്‌കി ലാബ്, സൗത്ത് ഏഷ്യ മാനേജിംഗ് ഡയറക്ടര്‍ അല്‍താഫ് ഹാല്‍ദെ, വി.ആര്‍ ഇന്‍ഫോടെക് ഡയറക്ടര്‍ വിക്രം മേത്തയ്ക്ക് അവാര്‍ഡ് സമ്മാനിച്ചു. കാസ്പഴ്‌സ്‌കിയുടെ ഏറ്റവും വലിയ ചാനല്‍ പാര്‍ട്ണര്‍ ആണ് വി.ആര്‍ ഇന്‍ഫോടെക്. മേഖലയില്‍ ശക്തമായ സേവനശൃംഖലയാണ് വി.ആര്‍ ഇന്‍ഫോടെക്കിനുള്ളത്. ഒറിജിനല്‍ മാനുഫാക്ചറര്‍ മുതല്‍ റീസെല്ലര്‍ വരെ വി.ആര്‍ ഇന്‍ഫോടെക്കിന്റെ സേവനം വ്യാപിപ്പിച്ചിട്ടുണ്ട്.