തിരുവനന്തപുരം: കഴിഞ്ഞ ദിവസം ഇടുക്കിയില്‍ കൊവിഡ് സ്ഥിരീകരിച്ചതായി ജില്ലാ കലക്ടര്‍ പ്രഖ്യാപിച്ച
മൂന്നു രോഗികളുടെയും ഫലം നെഗറ്റീവാണെന്ന് മുഖ്യമന്ത്രി പിണറായി വിജയന്‍. കഴിഞ്ഞ ദിവസമാണ് ജില്ലാ കലക്ടര്‍
ജില്ലയില്‍ പുതിയ കേസുകള്‍ റിപ്പോര്‍ട്ട് ചെയ്തതായി അറിയിച്ചത്.
എന്നാല്‍ അന്ന് വാര്‍ത്താ സമ്മേളനത്തില്‍ മുഖ്യമന്ത്രി ഇക്കാര്യം നിഷേധിക്കുകയായിരുന്നു. ഇവരുടെ കാര്യത്തില്‍ ചില ഫലങ്ങള്‍കൂടി
പുറത്തുവരാനുണ്ടെന്നായിരുന്നു മുഖ്യമന്ത്രിയുടെ മറുപടി. എന്നാല്‍ ഇവരുടെ ഫലം നെഗറ്റീവാണെന്നാണ് ഇന്ന് മുഖ്യമന്ത്രി വ്യക്തമാക്കിയത്.