നാഗ്പുര്‍: ഇന്ത്യയും ആസ്‌ത്രേലിയയും തമ്മിലുള്ള രണ്ടാം ഏകദിനം ഇന്ന്. ആദ്യ ഏകദിനത്തിലെ ജയത്തിന്റെ കരുത്തിലാണ് നീലപ്പട ഇന്ന് കംഗാരുക്കളെ നേരിടുന്നത്.

ആദ്യ മത്സരത്തില്‍ ആറു വിക്കറ്റിന്റെ ജയത്തോടെ തുടങ്ങിയ ഇന്ത്യക്ക് ഇന്നും ജയം അനിവാര്യമാണ്. ആസ്‌ത്രേലിയയില്‍ മികച്ച പ്രകടനം നടത്തി തിരിച്ചെത്തിയ ഇന്ത്യക്ക് നാട്ടില്‍ നടന്ന ടി20 പരമ്പരയില്‍ അടിതെറ്റി. ഇതിന്റെ മറുപടിയായി ഏകദിന പരമ്പര സ്വന്തമാക്കുക എന്ന ലക്ഷ്യമാണ് ഇന്ത്യക്ക് മുന്നിലുള്ളത്.

അഞ്ചു മത്സരങ്ങളുടെ പരമ്പരയില്‍ 1-0നു മുന്നിട്ടുനില്‍ക്കുന്ന കോഹ്‌ലിപ്പട വീണ്ട@ുമൊരു ജയത്തോടെ പരമ്പരയില്‍ പിടിമുറുക്കാമെന്ന ആത്മവിശ്വാസത്തിലാണ്. രണ്ടാം ഏകദിനം കൈപ്പിടിയിലൊതുക്കി ടൂര്‍ണമെന്റിലേക്ക് തിരിച്ചുവരാനാണ് ആസ്‌ത്രേലിയ കോപ്പ് കൂട്ടുന്നത്. ടി20യിലെ ജൈത്രയാത്ര ഏകദിനത്തിലും തുടരണം എന്ന ലക്ഷ്യം മാത്രമാണ് ആസ്‌ത്രേലിയക്കുള്ളതെന്നായിരുന്നു മാക്‌സ്‌വെല്ലിന്റെ പ്രതികരണം.
ഓപ്പണര്‍മാരായ രോഹിത് ശര്‍മയും ശിഖര്‍ ധവാനും ഫോമിലേക്കുയര്‍ന്നാല്‍ മാത്രമേ ഇന്ത്യക്ക് പരമ്പര സ്വന്തമാക്കാന്‍ കഴിയൂ. വിരാട് കോഹ്‌ലിയും ഫോമിലേക്ക് തിരിച്ച് വരേണ്ടതുണ്ട്.

മിക്ക മത്സരങ്ങളിലും മികച്ച രീതിയിലാണ് അദ്ദേഹം തുടങ്ങിയതെങ്കിലും ഇവ വലിയ സ്‌കോറിലേക്ക് മാറ്റാന്‍ കഴിഞ്ഞിട്ടില്ല. ഇന്നത്തെ മത്സരത്തില്‍ ലോകേഷ് രാഹുലിനെ കളിപ്പിച്ചേക്കുമെന്ന് സൂചനയുണ്ടണ്ട്. സസ്‌പെന്‍ഷന്‍ കഴിഞ്ഞ് തിരിച്ചെത്തിയ ശേഷം മികച്ച പ്രകടനമാണ് താരം പുറത്തെടുത്തിട്ടുള്ളത്. ടി20 പരമ്പരയിലെ ആദ്യ കളിയില്‍ അര്‍ധ സെഞ്ചുറിയും രണ്ട@ാമത്തെ കളിയില്‍ 47 റണ്‍സും രാഹുല്‍ നേടിയിരുന്നു. രാഹുല്‍ ടീമിലെത്തിയാല്‍ ശിഖര്‍ ധവാന് സ്ഥാനം നഷ്ടമാവാനാണ് സാധ്യത.

യുവ താരം റിഷഭ് പന്തിനെയും രണ്ട@ാം ഏകദിനത്തിലേക്ക് തിരിച്ചുവിളിച്ചേക്കുമെന്ന് റിപ്പോര്‍ട്ടുകളുണ്ടണ്ട്. പന്തിനെ പ്ലെയിങ് ഇലവനില്‍ ഉള്‍പ്പെടുത്തിയാല്‍ ഓള്‍റൗ@ണ്ടര്‍ വിജയ് ശങ്കറിനായിരിക്കും സ്ഥാനം നഷ്ടമായേക്കുക.

നിലവില്‍ കേദാര്‍ ജാദവും രവീന്ദ്ര ജഡേജയും ഓള്‍റൗണ്ട@ര്‍മാരായി ടീമിലുള്ളതിനാല്‍ ശങ്കറിനെ മാറ്റിനിര്‍ത്തിയാലും തിരിച്ചടിയാവില്ല. ആദ്യ കളിയില്‍ ജാദവ് ബാറ്റിങിലും ജഡേജ ബൗളിങിലും മികച്ച പ്രകടനമാണ് നടത്തിയത്. 81 റണ്‍സുമായി പുറത്താവാതെ നിന്ന ജാദവായിരുന്നു മാന്‍ ഓഫ് ദി മാച്ച്.

ഇന്ത്യ

വിരാട് കോഹ്‌ലി, ലോകേഷ് രാഹുല്‍, രോഹിത് ശര്‍മ, അമ്പാട്ടി റായുഡു, എം.എസ് ധോണി, റിഷഭ് പന്ത്, കേദാര്‍ ജാദവ്, രവീന്ദ്ര ജഡേജ, കുല്‍ദീപ് യാദവ്, മുഹമ്മദ് ഷമി, ജസ്പ്രീത് ബുംറ.

ആസ്‌ത്രേലിയ

ആരോണ്‍ ഫിഞ്ച്, മാര്‍ക്കസ് സ്റ്റോയ്‌നിസ്, ഉസ്മാന്‍ ഖവാജ, പീറ്റര്‍ ഹാന്‍ഡ്‌സ്‌കോംബ്, ഗ്ലെന്‍ മാക്‌സ്‌വെല്‍, ജൈ റിച്ചാര്‍ഡ്‌സന്‍, ആഷ്ടണ്‍ ടേര്‍ണര്‍, പാറ്റ് കമ്മിന്‍സ്, നതാന്‍ കോള്‍ട്ടര്‍ നൈല്‍, ജാസണ്‍ ബെറന്‍ഡോര്‍ഫ്, ആദം സംപ.