കല്‍പ്പറ്റ: മികച്ച വിദ്യാലയങ്ങളെ സൃഷ്ടിക്കലാണ് 'അസ്മി'യുടെ ലക്ഷ്യമെന്ന് അസ്മി സംസ്ഥാന പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ പറഞ്ഞു.
 അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ്(അസ്മി) വയനാട്, നീലഗിരി, കൊടക് ജില്ലകളുടെ നേതൃത്വത്തിലുള്ള സോണല്‍ മീറ്റ് പനമരം ക്രസന്റ് സ്‌കൂളില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇസ്മായില്‍ മുസ്‌ലിയാര്‍ കൊടക് അധ്യക്ഷനായി. അസ്മി ഓണ്‍ ട്രാക്ക് എന്ന വിഷയത്തില്‍ സംസ്ഥാന സെക്രട്ടറി നവാസ് ഓമശ്ശേരി ക്ലാസെടുത്തു.
ഇംഗ്ലീഷ് മീഡിയം സ്‌കൂളുകളിലേക്കായി അസ്മിയുടെ ആഭിമുഖ്യത്തില്‍ പ്രസിദ്ധീകരിച്ച പുസ്തങ്ങള്‍ റഷീദ് കമ്പളക്കാട് പരിചയപ്പെടുത്തി.
 ഉസ്മാന്‍ കാഞ്ഞായി, മൊയ്തീന്‍ അമ്പലവയല്‍, മൊയ്തീന്‍ മേപ്പാടി, സ്വാദിഖ് വെള്ളമുണ്ട, എം.സി വടുവഞ്ചാല്‍ സംസാരിച്ചു. എം.കെ നാസര്‍ സ്വാഗതവും സൈതലവി മാസ്റ്റര്‍ മാനന്തവാടി നന്ദിയും പറഞ്ഞു.