കൊണ്ടോട്ടി: ബഹ്‌റൈനില്‍ നിന്നുള്ള പ്രവാസികളുമായി എയര്‍ഇന്ത്യ എക്‌സ്പ്രസ് വിമാനം ഇന്ന് കരിപ്പൂരിലെത്തും. 

170 യാത്രക്കാരുമായി വിമാനം രാത്രി 11.20ന് പറന്നിറങ്ങുക. ബുധനാഴ്ച കുവൈത്തില്‍നിന്ന് വിമാനം ഷെഡ്യൂള്‍ ചെയ്തിട്ടുണ്ട്. 

കരിപ്പൂരില്‍ നിലവില്‍ ദുബൈ, റിയാദ് സെക്ടറില്‍ നിന്നാണ് ഓരോ വിമാനങ്ങളെത്തിയത്. 

 

വിമാനത്താവളത്തില്‍

ഗൈനക്കോളജിസ്റ്റുകളും

 

കൊണ്ടോട്ടി: ഗള്‍ഫില്‍നിന്ന് ഗര്‍ഭണികള്‍ കൂടുതല്‍ എത്തുന്നതിനെ തുടര്‍ന്ന്  ആരോഗ്യ വകുപ്പ് വിമാനത്താവളത്തില്‍ ഗൈനക്കോളജിസ്റ്റുകളെയും ഉള്‍പ്പെടുത്തി. കഴിഞ്ഞ ദിവസം റിയാദ് വിമാനത്തില്‍ മാത്രം 78 ഗര്‍ഭണികളാണ് എത്തിയിരുന്നത്. വരും ദിവസങ്ങളിലെ വിമാനങ്ങളിലെ യാത്രക്കാരിലും ഗര്‍ഭണികള്‍ ഏറെ എത്തുന്നുണ്ട്.

 

വാഹനങ്ങള്‍ രജിസ്റ്റര്‍ ചെയ്യണം

 

കൊണ്ടോട്ടി: വീടുകളിലേക്ക് പോകാന്‍ അനുമതിയുള്ളവര്‍ സ്വയം വാഹന സൗകര്യം ഏര്‍പ്പെടുത്തുന്നുണ്ടെങ്കില്‍ വിവരങ്ങള്‍ മുന്‍കൂട്ടി രജിസ്റ്റര്‍ ചെയ്യണം. ഡ്രൈവര്‍ മാത്രമുള്ള വാഹനങ്ങള്‍ക്കാണ് അനുമതി. ഡ്രൈവര്‍ മാസ്‌കും കൈയുറകളും നിര്‍ബന്ധമായും ധരിക്കണം. ഡ്രൈവര്‍ ഉള്‍പ്പെടെ മൂന്നില്‍ കൂടുതല്‍ യാത്രക്കാരെ അനുവദിക്കില്ല.