കൂത്തുപറമ്പ്: ചിറ്റാരിപറമ്പില്‍ സ്വകാര്യ ബസും റിക്കവറി ലോറിയും കൂട്ടിയിടിച്ച് ലോറി ഡ്രൈവര്‍ക്കും മൂന്ന് ബസ് യാത്രക്കാര്‍ക്കും പരുക്കേറ്റു. ഇന്നലെ രാവിലെ 11ഓടെ ചിറ്റാരിപറമ്പ് ഗവ:ഹയര്‍ സെക്കന്‍ഡറി സ്‌കൂളിനു സമീപമായിരുന്നു പയ്യന്നൂര്‍-തിരുനെല്ലി റൂട്ടില്‍ സര്‍വിസ് നടത്തുന്ന സ്വകാര്യ ബസും റിക്കവറി ലോറിയും കൂട്ടിയിടിച്ചത്. ബസ് യാത്രക്കാരായ പാപ്പച്ചന്‍(72), ശ്രുതി (17), സുനിത(28) എന്നിവര്‍ക്കും ലോറി ഡ്രൈവര്‍ താഴെചൊവ്വയിലെ പ്രശാന്തിനു (38)മാണ് പരുക്കേറ്റത്. ഇവരെ തലശേരി ഇന്ദിരാഗാന്ധി സഹകരണാശുപത്രിയില്‍ പ്രവേശിപ്പിച്ചു.