വെളിയനാട്: കുട്ടനാട് നിയോജക മണ്ഡലത്തിലെ വിവിധ പഞ്ചായത്തുകള്‍ക്ക് 2017-18 ലെ ആസ്തി വികസന സ്‌കീമില്‍ നിന്നും 1.69 രൂപയുടെ ഭരണാനുമതി ലഭിച്ചതായി തോമസ് ചാണ്ടി എം.എല്‍.എ അറിയിച്ചു.
മുട്ടാര്‍ പഞ്ചായത്ത് ആറാം വാര്‍ഡില്‍ പുളിക്കീക്കളം പാലം മുതല്‍ പടിയറ വരെ റോഡ് നിര്‍മാണത്തിന് 20 ലക്ഷം രൂപ, തകഴി പഞ്ചായത്ത് ഏഴാം വാര്‍ഡില്‍ കേളമംഗലം പള്ളി മുതല്‍ കിടങ്ങാംപറമ്പ് അമ്പലം വരെ റോഡ് നിര്‍മാണത്തിന് 19 ലക്ഷം രൂപ, വീയപുരം പഞ്ചായത്ത് ആറാം വാര്‍ഡില്‍ മുല്ലോത്ത് ജങ്ഷന്‍ മുതല്‍ പ്ലാന്തറ ഭാഗം വരെയുള്ള കുടിവെള്ള പദ്ധതിയ്ക്ക് 10 ലക്ഷം രൂപ, എടത്വ പഞ്ചായത്തില്‍ നാലാം വാര്‍ഡില്‍ കല്ലുപുരയ്ക്കല്‍ കലുങ്ക് മുതല്‍ എട്ടില്‍പടി വരെ റോഡ് നിര്‍മാണത്തിന് 30 ലക്ഷം രൂപ, രാമങ്കരി പഞ്ചായത്തില്‍ ആറാം വാര്‍ഡില്‍ കോളനി നമ്പര്‍ 11 മുതല്‍ കാഞ്ഞിക്കല്‍ പാലം വരെ റോഡ് നിര്‍മാണം 30 ലക്ഷം രൂപ, വെളിയനാട് പഞ്ചായത്ത് മൂന്നാം വാര്‍ഡില്‍ കുമരംങ്കരി എട്ട് പറ മുതല്‍ നല്ലൂര്‍ വരെ റോഡ് നിര്‍മാണത്തിന് 20 ലക്ഷം രൂപ, കാവാലം പഞ്ചായത്ത് മുന്നാം വാര്‍ഡില്‍ ഗ്രീഷ്മം മുതല്‍ ചക്രപ്പുരയ്ക്കല്‍ പുതുശ്ശേരി വരെ റോഡും കലുങ്കും നിര്‍മാണത്തിന് 25 ലക്ഷം രൂപ, കാവാലം പഞ്ചായത്ത് 6ാം വാര്‍ഡില്‍ പാടകശ്ശേരി മുതല്‍ ആയാംകുടി റോഡ് നിര്‍മാണം 15 ലക്ഷം രൂപ എന്നീ പ്രവൃത്തികള്‍ക്കാണ് ഭരണാനുമതി ലഭിച്ചത്.