പൂക്കോട്ടുംപാടം: അന്ത്യ അത്താഴ സ്മരണയില്‍ ക്രൈസ്തവര്‍ പെസഹാ ആചരിച്ചു. ദേവാലയങ്ങളില്‍ കാലുകഴുകല്‍ ശുശ്രൂഷ, വിശുദ്ധ കുര്‍ബാന, ആരാധന, അപ്പം മുറിക്കല്‍ എന്നിവ നടന്നു. ക്രൈസ്തവ ഭവനങ്ങളിലും അപ്പം മുറിക്കല്‍ ചടങ്ങ് നടത്തി. എളിമയുടെ സന്ദേശം പകര്‍ന്ന് യേശുക്രിസ്തു ശിഷ്യന്‍മാരുടെ പാദങ്ങള്‍ കഴുകി ചുമ്പിച്ചതിന്റെ ഓര്‍മ പുതുക്കിയാണ് ദേവാലയങ്ങളില്‍ പുരോഹിതര്‍ കാല്‍കഴുകല്‍ ശുശ്രൂഷ നടത്തിയത്. ചുള്ളിയോട് പ്രത്യാശനാഥ ദേവാലയത്തില്‍ കാല്‍കഴുകല്‍ ശുശ്രൂഷക്ക് ഫാ. സജി ചാഴിശ്ശേരിയിലും, തേള്‍പ്പാറ സെന്റ്‌മേരീസ് ദേവാലയത്തില്‍ ഫാ. സുനില്‍തെക്കേപ്പേര, ടി.കെ കോളനി സെന്റ് ജോര്‍ജ് ദേവാലയത്തില്‍ ഫാ. സജിവടക്കേടത്ത്, അഞ്ചാംമൈല്‍ സെന്റ്‌മേരീസ് ദേവാലയത്തില്‍ ഫാ. വിന്‍സന്റ് കൊരട്ടിപ്പറമ്പില്‍ തുടങ്ങിയവര്‍ കാര്‍മികത്വം വഹിച്ചു.
 യേശുക്രിസ്തുവിന്റെ കുരിശു മരണത്തെ അനുസ്മരിച്ച് ഇന്ന്  ദു:ഖവെളളി ആചരിക്കും. ദേവാലയങ്ങളില്‍ കുരിശിന്റെ വഴി, പരിഹാര പ്രദക്ഷിണം തുടങ്ങിയ പരിപാടികള്‍ നടക്കും.