ചാരുംമൂട്: കുടിവെള്ള ക്ഷാമം നേരിടുന്ന പ്രദേശങ്ങളില്‍ ടാങ്കറുകളില്‍ വെള്ളമെത്തിച്ച് ഡി.വൈ.എഫ്.ഐ പ്രവര്‍ത്തകര്‍ മാതൃകയായി.
 പാലമേല്‍ പഞ്ചായത്തിലെ ആദിക്കാട്ടുകുളങ്ങര പ്രദേശങ്ങളിലാണ് ഡി.വൈ.എഫ്.ഐ ഠൗണ്‍ യൂണിറ്റ്
കമ്മിറ്റിയുടെ നേതൃത്വത്തില്‍ വീടുകളില്‍ കുടി വെള്ളമെത്തിച്ചത്.പഞ്ചായത്ത് കുടിവെള്ള വിതരണം നടത്തുന്നെങ്കിലും ഒഴിവു ദിവസങ്ങളിലാണ് ഡി.വൈ.എഫ്.ഐ വെള്ളമെത്തിക്കുന്നത്.
സി.പി.എം പാലമേല്‍ തെക്ക് ലോക്കല്‍ കമ്മറ്റി സെക്രട്ടറി എം. ബൈജു കുടിവെള്ള വിതരണം ഉദ്ഘാടനം ചെയ്തു.
പഞ്ചായത്തംഗം ഷൈലജാഷാജി, ഡി.വൈ.എഫ്.ഐ യൂനിറ്റ് ഭാരവാഹികളായ അജ്മല്‍ റോഷന്‍, മുഹമ്മദ് റാഫി, അഫ്‌സല്‍,സദാനന്ദന്‍, തല്‍വത്ത് തുടങ്ങിയവര്‍ നേതൃത്വം നല്‍കി.