തൃശൂര്‍: എം. ഒ റോഡില്‍ കാളയുടെ കുത്തേറ്റ് യുവതിക്കു പരുക്ക്. തൃപ്രയാര്‍ സ്വദേശിനി ഹസീനയ്ക്കാണ്(30) പരുക്കേറ്റത്. കോര്‍പ്പറേഷന്‍ ഓഫിസിനു സമീപം ഇന്നലെ രാവിലെ പത്തോടെയാണ് സംഭവം.
സ്വരാജ് റൗണ്ടില്‍ അലഞ്ഞു തിരിഞ്ഞു നടക്കുന്ന കാളകളിലൊന്ന് ഇവരെ ഇടിച്ചു വീഴ്ത്തുകയായിരുന്നു. വീഴ്ചയില്‍ തലയ്ക്കു പരുക്കേറ്റ യുവതിയെ ജനറല്‍ ആശുപത്രിയില്‍ പ്രവേശിപ്പിച്ചു. പരുക്കുകള്‍ ഗുരുതരമല്ലെന്ന് ആശുപത്രി അധികൃതര്‍ അറിയിച്ചു.