തിരുവനന്തപുരം: സംസ്ഥാന വനിതാ ശിശുവികസന വകുപ്പ് ആവിഷ്‌കരിച്ച 'കൂടെയുണ്ട് അങ്കണവാടികള്‍' പദ്ധതിയുടെ രണ്ടാംഘട്ട പ്രവര്‍ത്തനം മന്ത്രി കെ.കെ ശൈലജ വിഡിയോ കോണ്‍ഫറന്‍സ് വഴി ഉദ്ഘാടനം ചെയ്തു. മുലയൂട്ടുന്ന അമ്മമാര്‍ക്കായുള്ള ഓണ്‍ലൈന്‍ ബോധവല്‍ക്കരണ ക്ലാസാണ് രണ്ടാംഘട്ട പ്രവര്‍ത്തനത്തില്‍ ഉള്‍പ്പെടുത്തിയിരിക്കുന്നത്. വാട്‌സ്ആപ്പ് ഗ്രൂപ്പ് വിഡിയോ കോള്‍ വഴിയോ ഫോണിലെ കോണ്‍ഫറന്‍സ് കോള്‍ വഴിയോയാണ് ഇത് നടത്തുന്നത്.
സമ്പുഷ്ട കേരളം പദ്ധതിയുടെ ഭാഗമായി ഓരോ മാസവും വിവിധ വിഷയത്തെ അടിസ്ഥാനമാക്കിയാണ് ക്ലാസുകള്‍ നടത്തുന്നത്.