എരിയാല്‍: ഗ്രീന്‍സ്റ്റാര്‍ എരിയാലിന്റെ ആഭിമുഖ്യത്തില്‍ 30ന് എരിയാല്‍ ഗ്രീന്‍സ്റ്റാര്‍ ഗ്രൗണ്ടില്‍ സംഘടിപ്പിക്കുന്ന പ്രഥമ എരിയാല്‍ പ്രിമിയര്‍ ലീഗ് ക്രിക്കറ്റ് ഫെസ്റ്റിന്റെ ലോഗോ കാസര്‍കോട് ജില്ലാ ക്രിക്കറ്റ് അസോസിയേഷന്‍ പ്രസിഡന്റ് ഹാരിസ് ചൂരി ഗ്രീന്‍ സ്റ്റാര്‍ പ്രസിഡന്റ് മന്‍സൂര്‍ അക്കരയ്ക്ക് നല്‍കി കൊണ്ട് പ്രകാശനം ചെയ്തു. ജാഫര്‍ അക്കര, ഹസൈനാര്‍ കുളങ്കര, അബു നവാസ്, അര്‍ഷാദ് ബള്ളീര്‍, ഇ.എ ഇര്‍ഷാദ്, സലീം ബളളീര്‍, സാദത്ത്, തസ്‌ലീം കുളങ്കര, അറഫാത്ത്, ജുനൈദ്, ഹമ്രാസ്, എന്നിവര്‍ സംബന്ധിച്ചു.
എരിയാലിലെ ക്രിക്കറ്റ് കളിക്കാരെ എട്ട് മാനേജ്‌മെന്റിന്റെ കീഴില്‍ അണിനിരത്തി എട്ട് ടീമുകളാക്കി ലീഗ് അടിസ്ഥാനത്തിലാണു മത്സരം. താരങ്ങളെ ലേലത്തിലൂടെ വിവിധ മാനേജ്‌മെന്റുകള്‍ക്കു നല്‍കും. ശനിയാഴ്ച വൈകുന്നേരം ഏഴിനു എരിയാല്‍ ടൗണില്‍ വച്ച് ലേലം നടക്കും.