ദമാം: പ്രവാസികളോട് കേരള സർക്കാരും കേന്ദ്ര സർക്കാരും കാണിക്കുന്ന അനീതിക്കെതിരെ പാലക്കാട് ജില്ലാ കെഎംസിസി ശക്‌തമായി അപലപിച്ചു. കേന്ദ്ര സർക്കാർ ആശക്കൊത്തു നീങ്ങുന്ന കേരള സർക്കാർ ജനങ്ങളെ വഞ്ചിക്കുന്ന നയമാണ് സ്വീകരിക്കുന്നതെന്ന് ജില്ലാ കമ്മിറ്റി സംഘടിപ്പിച്ച യോഗം അഭിപ്രായപ്പെട്ടു. അസുഖമുള്ളവർക്ക് പോലും കൊവിഡ് ടെസ്റ്റ് ചെയ്യാൻ പ്രയാസപ്പെടുന്ന സഊദി അറേബ്യ പോലുള്ള രാജ്യങ്ങളിൽ നിന്നും കേരളത്തിലേക്ക് വരുന്ന എല്ലാവര്ക്കും 48 മണിക്കൂറുകൾക്കുള്ളിൽ ഇത്തരത്തിൽ കൊവിഡ് ടെസ്റ്റ് ചെയ്ത് നെഗറ്റീവ് റിസൾട്ട് ഉണ്ടെങ്കിൽ മാത്രമേ യാത്ര അനുവദിക്കാവൂ എന്നുള്ള കേരള സർക്കാരിന്റെ ഈ തീരുമാനം അപ്രായോഗികവും പ്രവാസികളോടുള്ള കൊടും ക്രൂരതയാണെന്നും യോഗം അഭിപ്രായപ്പെട്ടു.

    ജോലി നഷ്ടപ്പെട്ടു നിത്യ ജീവിതത്തിനു പോലും പ്രയാസപ്പെടുന്ന വരും പലവിധ അസുഖത്തിൽ ബുദ്ധിമുട്ടുന്നവരുടെയും എത്രയും വേഗം നാടണയുക എന്ന സ്വപ്നനമാണ് സർക്കാരിന്റെ ഈ തീരുമാനത്തോടെ തിരിച്ചടിയായിരിക്കുന്നത്. അത്‌കൊണ്ട് തന്നെ എത്രയും പെട്ടെന്ന് തന്നെ ഈ തീരുമാനം പിൻവലിച്ച് പ്രവാസികൾക്ക് നീതി ഉറപ്പാക്കണമെന്ന് യോഗം ആവശ്യപ്പെട്ടു.

     ഓൺലൈൻ യോഗത്തിൽ പ്രസിഡന്റ് ബഷീർ ബാഖവി അദ്യക്ഷത വഹിച്ചു ആക്റ്റിങ് സെക്രട്ടറി റാഫി പട്ടാമ്പി സ്വഗതവും ശരീഫ് മണ്ണാർക്കാട് നന്ദിയും പറഞ്ഞു. അഷ്‌റഫ് ആളത്ത്, ഖാലിദ് തെങ്കര, ഇക്ബാൽ കുമരനെല്ലൂർ, സഗീർ അഹമ്മദ്, ഷബീർ അമ്പടത്ത്, കരീം സാഹിബ്, ഖാജ മൊയ്‌നുദ്ദിൻ, ശിഹാബ് കപ്പൂർ, ഇബ്രാഹിം ഫൈസി, ഹംസ താഹിർ, നൗഷാദ് പട്ടാമ്പി, തുടങ്ങിയവർ പങ്കെടുത്തു അനസ് പട്ടാമ്പി പ്രമേയം അവതരിപ്പിച്ചു.