കോതമംഗലം: വാഹനം വാങ്ങി നല്‍കാമെന്ന് പറഞ്ഞ് പണം തട്ടിയ കേസില്‍ ഒളിവിലായിരുന്ന ഓച്ചിറ സ്വദേശി പിടിയില്‍.
ഓച്ചിറ സജ്‌ന ഭവനില്‍ റൈജോ ഇബ്രാഹിമിനെ കോതമംഗലം പൊലിസ് മുബൈയില്‍ നിന്നും പിടികൂടിയത്. 2010 ല്‍ പിണ്ടിമന മുത്തംകുഴി സ്വദേശി ബിനി
ഷിന് മാരുതി കാര്‍ വാങ്ങി നല്‍കാമെന്ന് പറഞ്ഞ് ചെക്കും കാശും മറ്റ് രേഖകളും വാങ്ങിയ ശേഷം ഇയാളുടെ ചെക്കും തിരിച്ചറിയല്‍ രേഖകള്‍ ഉപയോഗിച്ച് സ്‌കോഡ കാര്‍ വാങ്ങുകയും മറിച്ചുവില്‍ക്കുകയും ചെയ്ത കേസിലാണ് അറസ്റ്റ്.
സമാന രീതിയില്‍ തട്ടിപ്പ് നടത്തിയതിന്
പാല, ഏറ്റുമാനൂര്‍, എറണാകുളം സെന്‍ട്രല്‍ അടക്കം നിരവധി കേസുകളില്‍ പ്രതിയായ ഇയാള്‍ കുവൈറ്റിലേക്ക് കടക്കുകയായിരുന്നു.
കുവൈറ്റില്‍ നിന്നും മടങ്ങി വരെ ലൂക്ക് ഔട്ട് നോട്ടിസിന്റെ അടിസ്ഥാനത്തില്‍ മുബൈ വിമാന താവളത്തില്‍ പിടികൂടിയ ഇയാളെ കോതമംഗലം പൊലിസിന് കൈമാറുകയായിരുന്നു. പ്രതിയെ നാളെ കോടതിയില്‍ ഹാജരാക്കും.