കൊച്ചി: പി.സി ജോര്‍ജ് എം.എല്‍.എ എസ്.ഡി.പി.ഐക്കെതിരേ അടിസ്ഥാനരഹിതമായ ആരോപണങ്ങള്‍ ഉന്നയിക്കുകയാണെന്ന് എസ്.ഡി.പി.ഐ സംസ്ഥാന വൈസ് പ്രസിഡന്റ് മൂവാറ്റുപുഴ അശ്‌റഫ് മൗലവി.
തമിഴ്‌നാട്ടില്‍ എസ്.ഡി.പി.ഐ, ബി.ജെ.പി മുന്നണിയിലാണെന്ന ജോര്‍ജിന്റെ പ്രസ്താവന ലജ്ജാകരമാണ്. ജോര്‍ജ് രാഷ്ട്രീയ അജ്ഞതയുടെ പേരിലാണ് ഇങ്ങനെ സംസാരിക്കുന്നത്. തമിഴ്‌നാട്ടില്‍ ടി.ടി.വി ദിനകരന്‍ എം.എല്‍.എ നേതൃത്വം നല്‍കുന്ന അമ്മ മക്കള്‍ മുന്നേറ്റ കഴകം എന്ന രാഷ്ട്രീയ പാര്‍ട്ടിയുമായി സഹകരിച്ചാണ് എസ്.ഡി.പി.ഐ മത്സരിക്കുന്നത്.
ആ മുന്നണിയില്‍ മറ്റൊരു രാഷ്ട്രീയ പാര്‍ട്ടിയുമില്ല. എ.ഐ.എ.ഡി.എം.കെ മുന്നണിയുടെ ഭാഗമാണ് ബി.ജെ.പിയെന്നും അദ്ദേഹം പറഞ്ഞു.