മണ്ണാര്‍ക്കാട്: എടത്തനാട്ടുകരയില്‍ നിരന്തരമായി കാട്ടാന ശല്യം നേരിടുന്ന മുണ്ടക്കുന്ന് ചൂരിയോട് ഭാഗത്തെ കാട്ടാനകെളെ ഇന്നലെ ഉച്ചയോടെ ദ്രുതകര്‍മ്മ സേനയുടെ നേതൃത്വത്തില്‍ റബ്ബര്‍ ബുള്ളറ്റ് ഉപയോഗിച്ച് തുരത്തി കാടുകയറ്റി. രാവിലെ മുതല്‍ പടക്കമെറിഞ്ഞും മറ്റും നടത്തിയ തുരത്തല്‍ ഉച്ചക്ക് ശേഷമാണ് പൂര്‍ത്തിയായത്.
ഇതിനിടെ പടക്കമെറിയുന്നതിനെ സൈലന്റ് വാലി ഡിവിഷനിലെ വാച്ചര്‍ സുരേഷിന് കൈക്ക് പരുക്കേറ്റു.ഇന്നലെ പുലര്‍ച്ചെവീണ്ടും ജനവാസകേന്ദ്രങ്ങളിലേക്ക് ആനകള്‍ കൂട്ടത്തോടെ എത്തിയതോടെയാണ് ദ്രുതകര്‍മ്മ സേന റബ്ബര്‍ ബുള്ളറ്റുമായി സ്ഥലത്തെത്തിയത്.
കൂട്ടാമായി എത്തി കാട്ടാനകള്‍ കളത്തില്‍ അസൈനാര്‍, അബ്ദുല്‍റഹീം എന്നിവരുടെ 1600 ല്‍പരം വാഴകള്‍ പൂര്‍ണ്ണമായും നശിപ്പിച്ചു.
വൈകുന്നേരത്തോടെ എന്‍ ഷംസുദ്ധീന്‍ എം.എല്‍.എ, പഞ്ചായത്ത് പ്രസിഡന്റ് വി ഗിരിജ, വൈസ് പ്രസിഡന്റ് എം മെഹര്‍ബാന്‍, റഷീദ് ആലായന്‍, സുനിത കുന്നുമ്മല്‍, സി.മുഹമ്മദാലി, കെ.ടി ഹംസപ്പ, വി.ടി ഹംസ, ഒ ഷിഹാബുദ്ദീന്‍, പി.പി. ഫിറോസ്, വില്ലേജ് ഓഫിസര്‍ പി നാസര്‍, എസ് റജികുമാറിന്റെ നേതൃത്വത്തിലുള്ള ദ്രുത കര്‍മ്മ സേനഅംഗങ്ങള്‍, പി.പി ഉമ്മര്‍പ്പ,ചുങ്കന്‍ മൊയ്തുപ്പു ഹാജി സ്ഥലത്തെത്തി.