വളപട്ടണം: വളപട്ടണം ഗ്രാമപഞ്ചായത്ത് ലൈബ്രറി കുട്ടികള്‍ക്കായുള്ള അവധിക്കാല പഠനക്കൂട്ടം ശാസ്ത്രപരീക്ഷണങ്ങളുടെ പരിപാടികളോടെ തുടക്കമായി.
 ഗ്രാമപഞ്ചായത്ത് പ്രസിഡന്റ് എന്‍.പി മനോരമ പരിപാടി ഉദ്ഘാടനം ചെയ്തു. വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ പി.പി ഷമീമ അധ്യക്ഷയായി.
ലൈബ്രറി ബാലവേദി കണ്‍വീനര്‍ പി.വി അഖില, കുട്ടികളുടെ പ്രോഗ്രാം കമ്മിറ്റി കണ്‍വീനര്‍ സി അശ്വതി സംസാരിച്ചു. ശാസ്ത്രാധ്യാപകനായ എം.കെ സനില്‍ കുമാര്‍ കുട്ടികളുടെ ശാസ്ത്ര പരീക്ഷണ പ്രവര്‍ത്തനങ്ങള്‍ക്ക് നേതൃത്വം നല്‍കി.
കുട്ടികളുടെ ഓര്‍ഗനൈസിങ് കമ്മിറ്റിയുടെ നേതൃത്വത്തില്‍  ജൈവ വൈവിധ്യം നമുക്ക് ചുറ്റും, ഗണിത മധുരം, ആശയ വിനിമയ ലോകം, കുട്ടികളുടെ ചലച്ചിത്രശാല, വര്‍ണ്ണപ്പുഴയോരം തുടങ്ങിയ പരിപാടികള്‍ തുടര്‍ന്നുള്ള ദിവസങ്ങളില്‍ നടക്കും.