മൂവാറ്റുപുഴ: പൊരിവെയിലിലും അണമുറിയാത്ത ആവേശം പകര്‍ന്ന് ഇടക്കി ലോക്‌സഭ മണ്ഡലത്തിലെ യു.ഡി.എഫ് സ്ഥാനാര്‍ഥി അഡ്വ. ഡീന്‍ കുര്യാക്കോസിന്റെ മൂവാറ്റുപുഴ നിയോജക മണ്ഡലത്തിലെ തെരഞ്ഞെടുപ്പ് പര്യടനം. വാദ്യമേളങ്ങളും പ്ലക്കാര്‍ഡുകളുമായി ഇരുചക്രവാഹനങ്ങളുടെ അകമ്പടിയോടെ റോഡ് ഷോ നടത്തി ആവേശപൂര്‍വമാണ് പ്രവര്‍ത്തകര്‍ സ്ഥാനാര്‍ഥിക്ക് ഒരോ കേന്ദ്രങ്ങളിലും സ്വീകരണം ഒരുക്കിയത്. കനത്ത വെയിലിനെയും അവഗണിച്ചു യുവാക്കളും കുട്ടികളും, സ്ത്രീകളും അടക്കം നിരവധി ആളുകളാണ് വിവിധ കേന്ദ്രങ്ങളില്‍ എത്തിച്ചേര്‍ന്നത്.
പര്യടനത്തിനിടെ ചാണ്ടി ഉമ്മന്‍, എം.എല്‍.എമാരായ റോഷി അഗസ്റ്റിന്‍, അഡ്വ. എല്‍ദോസ് കുന്നപ്പിള്ളി എന്നിവര്‍ കൂടി അണിചേര്‍ന്നതോടെ ആവേശം ഉച്ചസ്ഥായിയില്‍ എത്തി. ആവോലി പഞ്ചായത്തിലെ പുളിക്കായത്ത് കടവില്‍ നിന്ന് ആരംഭിച് പായിപ്ര കവലയില്‍ സമാപിച്ചു. ആവോലി ,മാറാടി ,വാളകം ,പായിപ്ര , മൂവാറ്റുപുഴ മുനിസിപ്പാലിറ്റിയുടെ വിവിദ പ്രദേശങ്ങള്‍ എന്നിവിടങ്ങളില്‍ പര്യടനം പൂര്‍ത്തിയാക്കി.മൂവാറ്റുപുഴ നിയോജകമണ്ഡലത്തിലെ മഞ്ഞളൂറ് ബ്ലോക്കിലെ പര്യടനം 12ന് നടക്കും. സ്വീകരണ സമ്മേളനം കേരളാ കോണ്‍ഗ്രസ്‌ജേക്കബ് ചെയര്‍മാന്‍ ജോണിനെല്ലൂരും പര്യടന പരിപാടി മുന്‍ എം.എല്‍.ജോസഫ് വാഴയ്ക്കനും ഉദ്ഘാടനം ചെയ്തു.
യു.ഡി.എഫ് നേതാക്കളായ കെ എം അബ്ദുല്‍ മജീദ്, എ. മുഹമ്മദ് ബഷീര്‍, ജോയി മാളിയേക്കല്‍,കെ.എം സലീം, വിന്‍സെന്റ് ജോസഫ്, പി.എ ബഷീര്‍, അഡ്വ. വര്‍ഗീസ് മാത്യു, പായിപ്ര കൃഷ്ണന്‍, പി.പി.എല്‍ദോസ്, ടോമി പാലമല, കെ.എം പരീത്, പി.വി കൃഷ്ണന്‍ നായര്‍, ഉല്ലാസ് തോമസ് തുടങ്ങിയവര്‍ പങ്കെടുത്തു.