തൊടുപുഴ: കേരള രാഷ്ട്രീയത്തിലെ അത്യുന്നതനായിരുന്ന നേതാവായിരുന്നു കേരളാ കോണ്‍ഗ്രസ് എം ചെയര്‍മാന്‍ കെ.എം മാണിയെന്ന് യൂത്ത് കോണ്‍ഗ്രസ് സംസ്ഥാന പ്രസിഡന്റും ഇടുക്കി പാര്‍ലമെന്റ് മണ്ഡലം യു.ഡി.എഫ് സ്ഥാനാര്‍ത്ഥിയുമായ അഡ്വ. ഡീന്‍ കുര്യാക്കോസ് അനുസ്മരിച്ചു.
പോരാട്ട വീര്യത്തിന്റെ കരുത്തുമായി താന്‍ പ്രതിനിധീകരിച്ച ജനങ്ങള്‍ക്കു വേണ്ടി വിട്ടു വീഴ്ചയില്ലാത്ത നിലപാട് സ്വീകരിച്ച നേതാവായിരുന്നു അദ്ദേഹം. മലയോര കര്‍ഷകരെ സംബന്ധിച്ചിടത്തോളം ഒരിക്കലും മറക്കാനാവാത്ത നേതാവാണ് അദേഹം.
പ്രത്യേകിച്ച് ഇടുക്കി ജില്ലയിലെ മലയോര കര്‍ഷകര്‍ക്ക് പട്ടയം ഉള്‍പ്പെടെയുള്ള ആവശ്യങ്ങള്‍ നേടികൊടുക്കുന്നതിന് വിട്ടുവീഴ്ചയില്ലാത്ത സമീപനം എക്കാലവും സ്വീകരിച്ചിരുന്നു.
ഇടുക്കി മെഡിക്കല്‍ കോളജ് ഉള്‍പ്പെടെ നിര്‍ണായകമായ വികസന നേട്ടങ്ങള്‍ ജില്ലയ്ക്ക് നല്‍കിയത് കെ.എം മാണിയായിരുന്നുവെന്നും ഡീന്‍ കുര്യാക്കോസ് അനുശോചന കുറുപ്പില്‍ പറഞ്ഞു.